სასამართლო პროცესზე, სადაც კადიევსა და მასთან ერთად დაკავებულ რიზვან ომაროვს სასამართლომ წინასწარი პატიმრობა შეუფარდა, კადიევმა განაცხადა, რომ მის ბინაში ნიღბიანი სპეცრაზმელები შემოცვივდნენ, მისი ძმა დერეფანში გაათრიეს, თვითონ კი იატაკზე დააგდეს და არაფრად ჩააგდეს მისი მოთხოვნა, ჩხრეკის დროს მოწმეები მოეწვიათ, მერე კი იარაღი "აღმოაჩინეს":

"ვითხოვდი ჩხრეკის დროს მოწმეების დასწრებას. ადვოკატის თანდასწრებით დაკითხვაზე ვთქვი, რომ ეს იარაღი მე არ მეკუთვნის. ყველა მეუბნება, რომ შენს თავზე აიღეო. ასი წელიც რომ მომისაჯონ, ამას არ ვაღიარებ. არ ვიცი, ვინ და რატომ აკეთებს ამას. ეს შეიძლება სახელმწიფო პოლიტიკაა,"- აცხადებს კადიევი.