"უკრაინელი ხალხის პატივისცემის გამო არ ვუპასუხებ"- პუტინის რეაქცია პოროშენკოს ნათქვამ "Прощай, немытая Россия“-ზე

მსოფლიო - 15:26, 15 Jun, 2017

7189

უკრაინის ვიზალიბერალიზაციის აღსანიშნავად გამართულ ცერემონიაზე, პეტრო პოროშენკოს მიერ წარმოთქმულ ფრაზას "Прощай, немытая Россия“ რუსეთის პრეზიდენტი ვლადიმირ პუტინი გამოეხმაურა. მისი თქმით, ეს ნიშნავს რომ პოროშენკომ რუსული ლიტერატურა კარგად იცის, თუმცა როგორც პუტინმა აღნიშნა ის იგივე მეთოდით პასუხის გაცემას არ აპირებს. აღნიშნული განცხადება პუტინმა დღეს პირდაპირ ეთერში მოქალაქეების შეკითხვებზე პასუხის გაცემის რეჟიმში გააკეთა,

„რა თქმა უნდა, ჩვენს ლიტერატურაშიც და უკრაინულშიც ასეთი ცხადი და მკვეთრი მაგალითების მონახვა შესაძლებელია, რომლითაც პეტრო ალექსის ძეს ვუპასუხებდი. მაგრამ მე ამას უკრაინელი ხალხის, ჩვენი საერთო ისტორიისა და საერთო რწმენის პატივისცემის გამო არ გავაკეთებ. თუ ვინმეს სურს ევროპელი იყოს, ჯერ თავისი ოფშორული ანგარიშები დახუროს და ხალხის კეთილდღეობაზე შემდეგ ისაუბროს.“- განაცხადა პუტინმა.

რუსეთის პრეზიდენტმა ტარას შევჩენოკოს 170 წლის წინ ნათქვამიც გაიხსენა: „Доборолась Украина до самого края. Хуже ляхов свои дети ее распинают“ ვიმედოვნებ, რომ ეს პერიოდი უკრაინისა და უკრაინელი ხალხის ისტორიაში როდესმე დასრულდება.“- აღნიშნა პუტინმა.