აუქციონზე ადოლფ ჰიტლერის Mein Kampf მისივე ავტოგრაფით იყიდება

მსოფლიო - 15:30, 15 Jun, 2017

2482

დიდ ბრიტანეთში, აუქციონზე ნაცისტური გერმანიის დიქტატორის ადოლფ ჰიტლერის ავტობიოგრაფიის Mein Kampf („ჩემი მბრძოლა“) იშვიათი ეგზემპლარი იყიდება.

1935 წელს გამოცემული წიგნის წინა ყდაზე ჰიტლერის ხელმოწერაა.

წიგნი აუქციონზე, ქალაქ კლაიტეროში მდებარე Silverwoods-ის აუცქიონის სახლს გამოაქვს.

მისი საწყისი ღირებულება 1000 ფუნტ-სტერლინგია.

აუქციონის სახლის დირექტორის ჯეიმს ტომსონის განცხადებით, აღნიშნულ წიგნს ზოგი ადამიანი არც გაეკარება, თუმცა არსებობენ ადამიანები, რომელთაც აინტერესებთ, ჰიტლერის დაუნდობელი მმართველობის დეტალები.

"წიგნს მყიდველი აუცილებლად გამოუჩნდება, რადგან შესაძლოა, ვიღაცას მართლაც აინტერესებდეს, როგორ წერდა კაცი, რომელმაც მსოფლიოში ამდენი ბოროტება ჩაიდინა“ - განაცხადა ტომსონმა.

როგორც გაირკვა, წიგნი ჰიტლერის ავტოგრაფით, ბრიტანელი ჟურნალისტისა და აქტივისტის, პიტერ კადოგანის ოჯახში ინახებოდა. კადოგანი იუნიტი მიტფორდს იცნობდა, რომელიც ადოლფ ჰიტლერთან დაახლოებული პირი იყო და სწორედ მას სთხოვა, ნაცისტური გერმანიის დიქტატორისთვის ავტოგრაფი ჩამოერთმია.

წიგნის გაყიდვა კადოგანის შთამომავლებმა გადაწყვიტეს.

Mein Kampf-ი პირველად 1925 წელს გამოქვეყნდა. წიგნში ჰიტლერის პოლიტიკურ იდეოლოგიასა და მის სამომავლო გეგმებს ეხება. მესამე რეიხში „ნაცისტურ ბიბლიად“ მიჩნეული „ჩემი ბრძოლა“ (Mein Kampf) ამჟამად აკრძალული ლიტერატურის ნუსხაშია შეტანილი