ლონდონის დასავლეთით, კენსინგტონის რაიონში გაჩენილი ხანძრის შედეგად დაკარგულებს ამ დრომდე ეძებენ.

გადარჩენილთა დასახმარებლად მათთვის მოწყობილ თავშესაფრებში ადგილობრივი მოსახლეობა მიდის. დაზარალებულთა დასახმარებლად მივიდნენ მომღერლები ადელი და რიტა ორაც.

მეორე დღეა, სრულად დამწვარი შენობაში, გადარჩენილთა პოვნის იმედით მეხანძრეები მუშაობენ.

200-ზე მეტი მეხანძრე, ხანძრის პირველი წუთებინა შემთხვევის ადგილზე იმყოფება და ხანძარს ებრძვის.

მაშინ, როდესაც საცხოვრებელი სახლის მაღალი სართულებიდან ხალხი შველას ითხოვდა და მათი გადარჩენა, თითქოს შეუძლებელი ჩანდა, მეხანძრეები, საკუთარი სიცოცხლის ფასად ალმოდებულ შენობაში შედიოდნენ. რამდენიმე მაცხოვრებელიც სიკვდილს სასწაულებრივად გადაარჩინეს.

სოციალურ ქსელებში ლოდნონის მეხანძრეებს მადლობას უხდიან იმ გმირობისთვის, რასაც ამ დრომდე აგრძელებენ.

"ბრიგადა მთელი ღამის განმავლობაში შემთხვევის ადგილზე იმყოფებოდა. ისინი სამაშველო სამუშაოებს დრესაც განაგრძობენ" - განაცხადა სახანძრო სამსახურმა.

ემოციური პოსტი გამოაქვენა თავად ერთერთმა მეხანძრემაც.

„იცით, როდესაც გეუბნებიან, რომ ჩაფხუტზე საკუთარი სახელი დაწერო, ხვდები, საქმე კარგად იქნება“ - წერს მიკი.

მრავალსართულიან საცხოვრებელ სახლში გაჩენილმა ხანძარმა, ამჟამინდელი მონაცემებით, 17ადამიანი იმსხვერპლა. დაშავებულია 100-მდე ადამიანი, მათგან 34 ამ დრომდე საავადმყოფოში რჩება, 17 დაშავებულის მდგომარეობა კრიტიკულია.