სერიალ Black Mirror-ის მიხედვით წიგნების სერია გამოიცემა

ეს საინტერესოა - 12:20, 15 Jun, 2017

3244

Netflix-ის ერთერთი ყველაზე წარმატებული სერიალის შავი სარკე (Black Mirror) მაყურებლებისთვის გამოცემა Entertainment-ი სასიხარულო ინფორმაციას ავრცელებს.

გამოცემის თანახმად, Penguin Random House-მა დააანონსა, რომ „შავი სარკის“ მიხედვით წიგნების სერია გამოიცემა, რომელიც წიგნების მაღაზიებში მომავალ წელს გამოჩნდება.

სატელევიზიო შოუ Black Mirror-ის იდეა ბრიტანელ მწერალს, ტელეწამყვანსა და სცენარისტს, ჩარლი ბრუკერს ეკუთვნის, რომელიც დასრულებული ჯერაც არ არის. თუმცა, ყოველი ახალი ეპიზოდის სცენარზე არა მხოლოდ ბრუკერი, არამედ მწერლებისა და სცენარისტების მთელი გუნდი მუშაობს.

შავი სარკე ბრიტანული სამეცნიერო ფანტასტიკური ანთოლოგიური ტელესერიალია, მისი თემები ბნელი ხასიათის და სატირულია, ხოლო ეპიზოდებში განიხილება თანამედროვე საზოგადოება, განსაკუთრებით - მასზე ტექნოლოგიების ზემოქმედების შედეგი. ყოველი ეპიზოდი ცალკე ფილმია, რომლის მოქმედება ძირითადად კაცობრიობის მიმდინარე ან შორეულ მომავალში მიმდინარეობს.

სერიალი პირველად ეთერში ბრიტანულ Channel 4-ზე 2011 წელს გავიდა. 2015 წელს Netflix-მა შეუკვეთა მესამე სეზონის 12 ეპიზოდი. მოგვიანებით ეს სეზონი ექვს-ექვს ეპიზოდად დაყვეს.

Netflix-ზე დამატების შემდეგ აღინიშნა მისდამი მსოფლიო მასშტაბის ინტერესიც.

შავი სარკის პირველი ტომის გამოსვლა მომდევნო წლის თებერვალში იგეგმება. მეორე და მესამე ტომები კი სავარაუდოდ 2018-19 წლების შემოდგომაზე გამოვა.