ჩრდილოეთ კორეამ გაათავისუფლა ამერიკელი სტუდენტი ოტო-ფრედერიკ უორმბირი, რომელსაც სააგიტაციო პლაკატის მოპარვის მცდელობისთვის 15 წელი ჰქონდა მისჯილი. ამის შესახებ განცხადება აშშ-ს სახელმწიფო მდივანმა რექს ტილერსონმა გაავრცელა.
მისი ცნობით, სტუდენტის გათავისუფლების შესახებ აშშ-ს სახელმწიფო დეპარტამენტის წარმომადგენლები ჩრდილოეთ კორეის სამართალდამავ ორგანოებთან ხანრძლივ მოლაპარაკებებს აწარმოებდნენ, რომელიც წარმატებით დასრულდა.
ტილერსონი აცხადებს, რომ ამჟამად მიმდინარეობს მოლაპარაკებები აშშ-ს სამი მოქალაქის გათავისუფლების შესახებ, რომლებიც ამჟამად ჩრდილოეთ კორეის ციხეში იმყოფებიან.
ჩრდილოეთ კორეის სასამართლომ 21 წლის ამერიკელ სტუდენტ, ოტო ფრედერიკ უორმბიერს 15-წლიანი პატიმრობა გასული წლის მარტში მიუსაჯა. მას „სახელმწიფოს წინაშე ჩადენილი დანაშაული" ედება ბრალად.
ვირჯინიის უნივერსიტეტის, ეკონომიკის ფაკულტეტის 21 წლის სტუდენტი ჩრდილოეთ კორეაში ტურისტთა ჯგუფთან ერთად ჩავიდა. 2 იანვარს ის ფხენიანის სასტუმროდან პროპაგანდისტული პლაკატის მოპარვის მცდელობის ფაქტზე დააკავეს.
29 თებერვალს უორმბიერი პრესკონფერენციაზე გამოვიდა და დანაშაული აღიარა.
მასალის გამოყენების პირობები






