საფრანგეთის პრეზიდენტმა ემანუელ მაკრონმა განაცხადა, რომ ევროკავშირის კარი Brexit-ის მოლაპარაკების მიმდინარეობისას ღია დარჩება დიდი ბრიტანეთისთვის. მოლაპარაკებები მომავალ კვირას დაიწყება.

საფრანგეთის ახლადარჩეული პრეზიდენტის განცხადებით, დიდი ბრიტანეთის სურვილი თუ იქნება, მას შეუძია დაბრუნდეს ევროკავშირში.

ელისეის სასახლის ეზოში გამართული ერთობლივი პრესკონფერენციის ფარგლებში ტერეზა მეისთან ერთად, მაკრონმა ხაზი გაუსვა იმას, რომ იგი პატივს სცემს ბრიტანელი ხალხის არჩევანს და ამავდროულად დასძინა: „სანამ მოლაპარაკებები დასრულებული არ არის, ყოველთვის არის შანსი კარი გაიღოს“

მაკრონის თქმით დროს გადამწყვეტი მნიშვნელობა აქვს: „მოლაპარაკებების მიმდინარეობისას, უფროდაუფრო რთული იქნება უკან დაბრუნება“