„ჯორჯიან მანგანეზის“ მართვის სამოქმედო გეგმასთან დაკავშირებით სპეციალური პრესკონფერენცია გაიმართება

ბიზნესი & ეკონომიკა - 13:26, 13 Jun, 2017

1373

დღეს 13 ივნისს, 16: 00 საათზე, გარემოსა და ბუნებრივი რესურსების დაცვის სამინისტროში, სპეციალური პრესკონფერენცია გაიმართება. რომელიც „ჯორჯიან მანგანეზის“ მართვის სამოქმედო გეგმას შეეხება.

შეგახსენებთ, რომ მიმდინარე წლის 12 მაისს, გარემოსა და ბუნებრივი რესურსების სამინისტრომ, როგორც ლიცენზიისა და ნებართვის გამცემმა ადმინისტრაციულმა ორგანომ, შპს "ჯორჯიან მანგანეზში" სპეციალურ მმართველად ნიკოლოზ ჩიქოვანი დანიშნა. უწყების ცნობით, კომპანია, რომელიც წლებია, ფლობს მანგანუმის მადნის მოპოვების ლიცენზიასა და ახორციელებს მანგანუმის გამდიდრებასა და გადამუშავებას, საქმიანობას გარემოსდაცვითი კანონმდებლობის მძიმე დარღვევით აგრძელებს. როგორც მდინარის, ასევე, ნიადაგის დაბინძურებისა და დეგრადაციის კუთხით, არათუ გამოასწორა კომპანიამ საქმიანობა, არამედ ბევრად დაამძიმა, რაც ადგილზე, ფაქტობრივად, ეკოლოგიური კატასტროფის მდგომარეობის ტოლფას სიტუაციას ქმნის.

შპს „ჯორჯიან მანგანეზში“ დანიშნულ სპეციალურ მმართველს , ნიკოლოზ ჩიქოვანს სამოქმედი გეგმის წარმოსადგენად ერთთვიანი ვადა მიეცა. სამოქმედო გეგმაში გარემოზე მიყენებული ზიანის თავიდან ასაცილებლად, ეტაპობრივი ღონისძიებები უნდა იყოს განსაზღვრული.