არტ - ვილა გარიყულას ინიციტივა

არტ - ვილა გარიყულას ინიციტივა - Art for Social Changes დაფუძნდა

ბიზნესი & ეკონომიკა - 14:39, 12 Jun, 2017

1708

არტ-ვილა გარიყულას ინიციატივით ახალი საზოგადოებრივი ორგანიზაცია - Art for Social Changes დაფუძნდა, რომლის მიზანია თანამედროვე ვიზუალური ხელოვნების დახმარებით, ყოფითი კულტურის ამაღლება. პროექტის ფარგლებში ჩატარდა ნარჩენებისგან დაბინძურებული თეძმის ხეობის დასუფთავება და ადგილზე დამონტაჟდა ამერიკაში მოღვაწე ირანელი გრაფიტისტების ICY & SOT-ის (აისი და სოტის) მიერ FestINovaზე შექმნილი ინსტალაცია.

ICY და SOT- ის შექმნილი თანამედროვე ხელოვნების ნიმუში საუკეთესო დემონსტრაციას ახდენს თუ რა გავლენას ახდენს დაბინძურებული გარემო საზოგადოებაზე და როგორ გამოიყურება ადამიანი, რომელიც აზიანებს და ანაგვიანებს ბუნებას. ადამიანის ინსტალაცია რკინის კონსტრუქციით არის შექმნილი და ქუჩაში დაყრილი ნარჩენებითა და პოლიეთილენის პარკებით არის შეფუთული.
არტ-ვილა გარიყულას ინიციატივას მხარს უჭერს კასპის რაიონის მაჟორიტარი დეპუტატი, ადგილობრივი მაცხოვრებლები და საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარე.

ყარამან ქუთათელაძე, არტ-ვილა გარიყულას დამფუძენებელი მხავტარი:
„ვიზუალური ხელოვნება არის საუკეთესო ინსტრუმენტი ამაღლდეს ყოფითი კულტურა. ვფიქრობ ინიციატივა Art for Social Changes ბევრ ადამიანს გააერთიანებს, რომლებმაც იციან ვიზუალური ხელოვნების როლი და მნიშვნელობა. Art for Social Changes-ის წევრი და მონაწილე შეიძლება გახდეს ყველა ვისაც სურვილი აქვს საკუთარი წვლილი შეიტანოს და სხვებს უჩვენოს მაგალითი როგორ შეიძლება ერთად დავიცვათ და შევცვალოთ დაბინძურებული გარემო. აისი და სოტის ნამუშევარი განსაკუთრებულ კვლევას არ საჭიროებს - ინსტალაცია არის საუკეთესო გზავნილი და ზუსტად ახდენს დემონსტრაციას თუ რა გავლენას ახდენს დაბინძურებული გარემო საზოგადოებაზე და როგორ გამოიყურება ადამიანი, რომელიც აზიანებს და ანაგვიანებს ბუნებას.

ჯაბა მუჯირი, Art for Social Changes მენეჯერი:

ერთხელ და სამუდამოდ უნდა გადავწყვიტოთ, რომ ნაგავი უნდა იყოს სანაგვეში. შევეცდები მივიდე საქართველოს თითოეულ მოქალაქესთან და დავარწმუნო რომ ბუნების დაცვაში გადადგმული ნაბიჯი ეს არის მათი დიდი ნაბიჯი ქვეყნის განვითარების პროცესში. Art for Social Changes შესაძლებლობას იძლევა თითოეულ მოქალაქემ ქვეყანა ზრუნვის საგნად გადააქციოს და ამ პროცესში ვიზუალური ხელოვნება კიდევ უფრო პოპულარული და შემეცნებითი გახდეს.