ირანში გრძელდება ანტიტერორისტული ოპერაციები, რომელიც დედაქალაქში 7 ივნისს განხორციელებული ტერორისტული შეტევების შემდეგ დაიწყო. სამართალდამცველებმა "ისლამურ სახელმწიფოსთან" კავშირში ეჭვმიტანილი 41 ადამიანი დააკავეს.

ანტიტერორისტული ოპერაცია ქვეყნის რამდენიმე პროვინციაში ჩატარდა. ამოღებულია დიდი რაოდენობით იარაღი, ასაფეთქებელი ნივთიერებები და ე.წ. შაჰიდის ქამრები.

ბოლო მონაცემებით, 7 ივნისის ტერაქტების შემდეგ პარლამეტსა და აიათოლა ჰომეინის მავზოელუმში მომხდარი თავდასხმების შედეგად გარდაცვლილთა რიცხვი 17-მდე გაიზარდა. საავადმყოფოებში 50-ზე მეტ დაშავებულს მკურნალობენ.