ჰოლივუდის ცნობილი რეჟისორის, რომან პოლანსკის წინააღმდეგ სამართლებრივის საქმის წარმოების შეწყვეტა მთავარმა მოწმემ მოითხოვა.

პოლანსკის ბრალად ედება, წარსულში 13 წლის გოგონას გაუპატიურება. ქალბატონმა ლოს-ანჯელესისი სასამართლოს საქმის შეწყვეტა თავად სთხოვა.

„მე გთხოვთ ეს ჩემთვის გააკეთოთ, ჩემდამი თანაგრძნობის გამომჟღავნების მიზნით" - განაცხადა სამანტა ჰეიმერმა.

„მე არა რომანის სახელით, არამედ ჩემი სახელით ვსაუბრობ, გთხოვთ ეს საკითხი გადაწყვიტოთ სხვა გზით და არა 83 წლის ადამიანის ციხეში ჩასმით“, - დასძინა მან.

წარსულში ჰეიმერმა არაერთხელ განაცხადა, რომ მან რეჟისორს 40 წლის წინ ჩადენილი დანაშაული აპატია.

თავად პოლანსკიმ 1978 წელს ჩადენილი დანაშაული აღიარა, ციხეში 42 დღე გაატარა და თავდებით გამოშვების შემდეგ, აშშ-დან წავიდა.

რომან პოლანსკის არასრულწლოვან მოდელთან სექსუალური კავშირი ბრალდება, რომელიც მან 1977 წელს ჩაიდინა.

რომან პოლანსკი ერთ-რთი ტიტულოვანი რეჟისორია ჰოლივუდის ისტორიაში. იგი ცნობილია ისეთი ფილმებით, როგორებიცაა „პიანისტი“, „მაკბეტი“, „ჩაინათაუნი“, „როზმარის ჩვილი“, "ტესი".

პოლანსკის ფილმები „ოსკარებზე“ 27-ჯერ იყო ნომინირებული. ფილმმა „როზმარის ჩვილი“ ერთ ნომინაციაში გაიმარჯვა, ეს ფილმი 2 ნომინაციაზე იყო წარდგენილი, ფილმმა „ჩაინათაუნმაც“ აიღო ოსკარი, ეს ფილმი 11 ნომინაციაზე იყო წარდგენილი, პოლანსკი ცნობილია ფილმისთვის „ტესი“, ფილმი 6 ნომინაციაზე იყო წარდგენილი და 3 ოსკარი მოიპოვა.

განსაკუთრებით ცნობილი პოლანსკი დრამისთვის „პიანისტი“ გახდა, რომელიც ამერიკის კინოაკადემიის დაჯილდოებაზე 7 ნომინაციაში იყო წარდგენილი და მან 3 ოსკარი მოიპოვა,საუკეთესო რეჟისორის, საუკეთესო სცენარისა და საუკეთესო მამაკაცი მსახიობის კატეგორიებში. ფილმში მთავარ როლს ედრიან ბროუდი ასრულებს.

1969 წლის 8 აგვისტოს, რომან პოლანსკის საცხოვრებელ სახლში ლოს ანჯელესში ცნობილი სერიული მკვლელი ჩარლზ მენსონი შეიჭრა, რომელმაც პოლანსკის 26 წლის ფეხმძიმე მეუღლე, მსახიობი შერონ ტეიტი მოკლა.

ჩარლზ მენსონმა საბოლოო ჯამში შვიდი ადამიანი მოკლა, მენსონს სიკვდილით დასჯა მიუსაჯეს, რაც 1972 წელს სამუდამო პატიმრობით შეიცვალა. მენსონი დღემდე ციხეშია, სადაც სამი წლის წინ 25 წლის თაყვანისმცემელზე, ეფტონ ბარტონზე იქორწინა.