გასული 200 წლის განმავლობაში პირველად, იაპონიის პარლამენტმა დაამტკიცა სპეციალური კანონპროექტი, რომლის თანახმადაც იაპონიის იმპერატორს, 83 წლის აკიჰიტოს გადადგომის უფლება მიეცა.

იაპონიის მოქმედი კანონმდებლობის თანახმად იმპერატორს ტიტული სიცოცხლის ბოლომდე უნდა ეკავოს, თუმცა გასულ წელს იმპერატორმა აკიჰიტომ სპეციალური მიმართვა გაავრცელა, სადაც მის ხალხს სთხოვა, რომ მოხუცებულობის გამო მისთვის დასვენების უფლება მიეცათ. იგი 83 წლისაა.

აღსანიშნავია, რომ კანონი მხოლოდ აკიჰიტოს შემთხევაში იმოქმედებს და მის მომდევნო იმპერატორებს არ ექნებათ გადადგომის უფლება.

იაპონიის პრემიერმა სინძო აბემ კანონპროექტს, ქვეყნის ისტორიაში მნიშვნელოვანი მომენტი უწოდა.

აკიჰიტო იაპონიის იმპერატორი 1989 წელს, მამის გარდაცვალების შემდეგ გახდა. 2018 წლიდან იაპონიის იმპერატორი ტახტის მემკვიდრე, 57 წლის ნარუჰიტო გახდება.

აკიჰიტო , 2018 წლის დეკემბერში, მისი 30-წლიანი მმართველობის დასასულს გადადგება.