8 ივნისს, გვიან ღამით, FBI-ის ყოფილი დირექტორი ჯეიმს კომი სენატის დაზვერვის საკითხების კომიტეტზე სიტყვით გამოვა. მისი სიტყვის შესავალი ნაწილი უკვე გამოქვეყნებულია.

გამოქვეყნებული ტექსტის თანახმად, კომი აცხადებს, რომ დონალდ ტრამპი მისგან ერთგულებას ითხოვდა და სთხოვდა შეეწყვიტა გამოძიეება, რომელიც ტრამპის ყოფილი მრჩევლის მაიკლ ფლინის წინააღმდეგ მიმდინარეობდა.

კომი წერს, რომ ტრამპი ამ გამოძიებას და „მის თავზე შეგროვებულ საავრდო ღრუბელს“ ადარებს.

გათავისუფლებამდე კომიმ სამჯერ უთხრა პრეზიდენტს, რომ იგი არ იმყოფება FBI-ის გამოძიების ქვეშ.

დღეს, გვიან ღამით დაგეგმილ მიოსმენაზე კომი ასევე აპირებს ისაუბროს ყველა შეხვედრაზე, რომელიც მასსა და დონალდ ტრამპს შორის შედგა, არჩევნების დასრულების შემდეგ. კომი გამოსვლის ტრექსტში ასევე აღნიშნავს, რომ ტრამპმა არაერთხელ კატეგორიულად უარყო მასთან საუბარში ყველა ბრალდება, რომელიც ბრიტანეთის დაზვერვის ოფიცრის მიერ იყო გამოქვეყნებული რუსეთის სპეცსამსახურების ხელში არსებულ კომპრომატებზე მის წინააღმდეგ.