"გაკვირვებას იწვევს ივანიშვილის ძალოვნების ესოდენ ბინძური და არაპროფესიონალური "მუშაობა", - ნათქვამია წერილში.
"ამავდროულად, ტერორისტების მხილება და დაკავება ამჟღავნებს საქართველოს ახალი ხელისუფლების ძალიან უხეშ პროვოკაციას", - აღნიშნავს გამოცემა.

"რა მიზანს ემსახურება ივანიშვილი ამ ბინძურ პროვოკაციაში, ამას დრო გამოავლენს. ერთი რამ ფაქტია, ქართველი დამოუკიდებელი ჟურნალისტები და ანალიტიკოსები არ გამორიცხავენ, რომ დაკავებულ ტერორისტებს გამოუჩნდებიან ,,მფარველები" და ერთ-ერთ მათაგანად ახალი ხელისუფლების მიერ დასახელდება - პრეზიდენტი სააკაშვილი და ყოფილი შს მინიტრი მერაბიშვილი", - წერს "კავკაზ-ცენტრი".

წერილის ავტორები არცთუ კორექტული ფორმით მიანიშნებენ, რომ ვლადიმირ პუტინის მიმართ დათმობების გამო საქართველოს ხელისუფლებამ სარგებელი მიიღო:

"ქართული მედიასაშუალებების ნაწილი ფარდას ხდის ივანიშვილის იმ რეჟიმის სიცრუესა და ბინძურ ფალსიფიკაციას, რომელმაც ჩათვალა, რომ იმდენად გაიმყარა ხელისუფლება, რომ შეუძლია სახალხოდ, ყოველგვარი მორიდების გარეშე გაუკეთოს რევერანსები პუტინს (ფორმულირება შეცვლილია ცენზურის გათვალისწინებით, - რედ.)". წერილის ავტორი წერს, რომ მადლიერმა კრემლის ბოსმა სანაცვლოდ მას მისცა ნება, რუსეთში ქართული კონიაკი გაყიდოს.

ორიგინალი