ირანის პარლამენტი და იმამ ჰომეინის მაუზოლეუმი დღეს დილით თავდასხმების სამიზნე გახდა. თავდასხმებზე, რომელმაც 8 ადამიანი იმსხვერპლა (არაოფიციალური წყაროებით კი 12) და 33 ადამიანი დაიჭრა, პასუხისმგებლობა ISIS-მა აიღო. ე.წ „ისლამურმა სახელმწიფომ“ ამის შესახებ ინფორმაცია თავის პროპაგანდისტულ სააგენტოზე Aamaq-ზე გაავრცელა. ამასთანავე მედიაში გავრცელდა ISIS-ს მიერ მარტის თვეში გადაღებული ვიდეოც, სადაც ისინი „შიიტების სისხლისღვრას, ირანის დაპყრობას და მისი სუნიტი მუსლიმებისთვის დაბრუნებას“ აანონსებდნენ.

ირანის სახელმწიფო ტელევიზიის ცნობით ოთხივე თავდამსხმელი მკვდარია. ამ თავდასხმასთან დაკავშირებით დაკავებულია 3 პირი.

მსგავსი თავდასხმები ირანში იშვიათია, ბოლოს მსგავსი შემთხვევები 1979 წლის რევოლუციის მომდევნო წლებში დაფიქსირდა.

ქვეყნის შინაგან საქმეთა მინისტრმა ეროვნული უშიშროების საბჭოს საგანგებო სხდომა მოიწვია. ქუჩაში მობილიზებულია დიდ რაოდენობით პოლიცია.

ირანის ხელისუფლება თეირანის მოსახლეობას მოუწოდებს თავი შეიკავოს საზოგადოებრივი ტრანსპორტით, განსაკუთრებით მეტროპოლიტენით სარგებლობისაგან. საკუთარ მოქალაქეებს ქალაქში გასვლისგან თავის შეკავებისკენ მოუწოდეს უცხო ქვეყნის საელჩოებმაც.

თეირანში განხორციელებულ თავდასხმებს ოფიციალური მოსკოვი გამოეხმაურა და მსოფლიოს ქვეყნენს ტერორისზმის წინააღმდეგ ბროლაში გაერთიანებისკენ მოუწოდა.