ჩინეთში, შანხაის აეროპორტში დააკავეს სამხრეთ აღმოსავლეთის ერთერთი ქვეყნის მოქალაქე ქალბატონი, რომელსაც კოკაინისგან დამზადებული ორი ჩემოდანი აღმოაჩნდა. ქალბატონი შანხაიში სამხრეთ ამერიკიდან ჩამოფრინდა.

ბარგის შემოწმების დროს საბაჟოს თანამშრომლები დააეჭვა იმ ფაქტმა, რომ რენტგენის აპარატში გავლისას ჩემოდნების გამოსახულება უფრო მუქი იყო, ვიდრე ჩვეულებრიად არის ხოლმე. ეჭვი კიდევ უფრო გაამძაფრა იმ ფაქტმა, რომ ჩემოდნები, რომლებიდანაც ყველა ნივთი ამოიღეს, 10 კილოგრამს იწონიდა.

ექსპერტიზის ჩატარების შემდეგ აღმოჩნდა, რომ ჩემოდნები კოკაინისგან იყო დამზადებული - კოკაინის სუსპენზია შერეული იყო გამამყარებელ ნივთიერებასთან და შემდეგ დიდი წნევის ქვეშ იგი სპეციალურ ფორმებში იყო ჩასხმული, ჩემოდნის ფორმის მისარებად.

კრიმინალისტები აცხადებენ, რომ კოკაინის კონტრაბანდის ეს შემთხვევა უპრეცედენტოა. ჩინეთის კანონმდებლობის თანახმად, 50 გრამზე მეტი ნარკოტიკულ ნივთერების კონტრაბანდა სიკვდილით ისჯება.