სროლა ირანის პარლამენტში - ამის შესახებ ინფორმაციას BBC ადგილობრივ მედიაზე დაყრდნობით ავრცელებს.

ირანის სახელმწიფო ტელევიზიამ თავდაპირველად განაცხადა, რომ პარლამენტის შენობის შიგნით რამდენიმე შეიარაღებული პირი იმყოფება, ვრცელდება ინფორმაცია მძევლების აყვანის შესახებაც.

მოგვიანებით ცნობილი გახდა, რომ შენობაში ერთი შეიარაღებული პირი იმყოფება.

როგორც ცნობილია, სროლის შედეგად მინიმუმ სამი ადამიანი დაიჭრა, მათ შორის შენობის დაცვის წევრი.

Reuters-ის ცნობით, თავდასხმის შედეგად გარდაიცვალა დაცვის ერთი წევრი.

ასევე არსებული ცნობით, ერთი შეიარაღებული პირი აიათოლა ჰომეინის მავზოლეუმშიც შეიჭრა თეირანის სამხრეთით და ცეცხლი გახსნა. მავზოლეუმში მომხდარი ტავდასხმის შედეგადაც არიან დაშავებულები.