„ომეგა მოტორსი“ დღეს, ბათუმში BMW-სა და MINI-ს სადილერო ცენტრებს გახსნის

ბიზნესი & ეკონომიკა - 09:54, 07 Jun, 2017

1079

სადილერო ცენტრის გახსნის გრანდიოზული ცერემონიაზე, მელიქიშვილისა და რუსთაველის ქუჩებზე, ორი ავტომობილის - BMW 5 სერიისა და MINI COUNTRYMAN-ის შოუს ელემენტებით გაფორმებული შთამბეჭდავი პრეზენტაციები მოეწყობა.

ღონისძიებას აფრიკის, კარიბიის და აღმოსავლეთ ევროპის რეგიონის ოფისის მმართველი დირექტორი დოქტორი თომას რინი; აფრიკის, კარიბიისა და აღმოსავლეთ ევროპის იმპორტიორთა რეგიონის გაყიდვების დირექტორი კონრად ბაუმგარტნერი, MINI-ს დირექტორი ფრედერიკ დორაისი და რეგიონის მენეჯერი ვიქტორ აიზენბრაუნი დაესწრებიან.

მედიის წარმომადგენლებსა და მოწვეულ სტუმრებს შესაძლებლობა ექნებათ, თავად გაეცნონ ამ განსაკუთრებულ ავტომობილებსა და მათ ტექნოლოგიურ სიახლეებს.

ცნობისთვის: ახალი მე-5 სერია G30, ცნობილია, როგორც„ბიზნეს-ათლეტი“, კონკურეტებთან შედარებით ერთ-ერთი ყველაზე ეკონომიური და ეკოლოგიური ავტომობილია. BMW 5 სერიაში გამოყენებულია ყველა ის ინოვაცია, რომელიც უკვე აქვს ლუქსკლასის სედან 7 სერიას.

რაც შეეხება ახალი MINI COUNTRYMAN-ს, ბრენდის 57-წლიან ისტორიაში ყველაზე დიდი მოცულობის გამორჩეული მოდელია, რომელიც ახლა უკვე ჰიბრიდული ამძრაობითაცაა ხელმისაწვდომი.

პრეზენტაციას, რომელიც 20:00 საათზე დაიწყება, ტელეკომპანია „იბერია“ პირდაპირ ეთერში გადასცემს.