ლონდონის ტერაქტი - სკოტლანდ-იარდმა 2 ტერორისტის ვინაობა დაასახელა

მსოფლიო - 12:15, 06 Jun, 2017

1154

ლონდონის პოლიციამ 3 ივნისს მომხდარი ტერაქტის 3 მონაწილიდან 2-ის ვინაობა დაასახელა. სკოტლანდ-იარდის განცხადებით ტერორისტები იყვნენ 27 წლის ჰურამ შაზად ბატი და 30 წლის რაშიდ რადუანი. ორივე მათგანი ლონდონის აღმოსავლეთით ბარკინკის რაიონში ცხოვრობდა.

სამივე ტერორისტი პოლიციელების მიერ იქნა მოკლული, მესამის ვინაობა ჯერჯერობით არ სახელდება.

სამართალდამცავების ინფორმაციით ჰურამ შაზად ბატი წარმოშობით პაკისტანელია და ბრიტანული პასპორტი ქონდა, ხოლო რაშიდ რადუანის წარმომავლობა ჯერჯერობით გარკვეული არაა, თავად ის თავისთავს მაროკოელს და ლიბიელს უწოდებდა და დაბადების სხვადასხვა თარიღს იყენებდა.

ბატი კომპანია Auriga-ში მუშაობდა, რომელიც სწრაფი კვების რესტორნების სისტემას წარმოადგენს, 2016 წლის ოქტომბრამდე კი 6 თვე ლონდონის მეტროს მგზავრების დახმარების სამსახურში სტაჟიორად იმუშავა.

ჰურამ შაზად ბატი პოლიციის ყურადღების ქვეშ ადრეც იყო მოხვედრილი, თუმცა არანაირი ცნობა იმის შესახებ რომ ეს თავდასხმა მზადდებოდა არ ყოფილა, მეორე თავდამსხმელის შესახებ სპეცსამსახურებს ცნობები არ ქონდათ.

შეგახსენებთ შაბათ საღამოს ლონდონის ცენტრში, დიდი სიჩქარით მოძრავი ფურგონი ტროტუარზე აიჭრა და რამდენიმე ქვეითს დაეჯახა, შემდეგ ფურგონი ხიდზე, „ბორო-მარკეტთან“ ახლოს გაჩერდა, იქიდან გადმოსულმა პირები კი გამვლელებს ცივი იარაღით დაესხნენ თავს. პოლიციელების თქმით თავდამსხმელი 3 იყო და ყველა მათგანი შემთხვევის ადგილზევე იქნა მოკლული. ტერაქტზე პასუხისმგებლობა ე.წ „ისლამურმა სახელმწიფომ’ აიღო. ინფორმაცია ამის შესახებ ISIS-მა მათთან დაკავშირებულ საინფორმაციო სააგენტო „ამაკზე“ გაავრცელეს.