როგორც ჟურნალისტებთან საუბარში "სამოქალაქო ჩართულობის ცენტრის" წარმომადგენელმა ლევან ჩიტაძემ აღნიშნა, ახალი მთავრობა ცდილობს გამოიყენოს "ნაციონალების" მიერ დამკვიდრებული ტრადიცია და სტუდენტები თავად აკონტროლოს.

"სამოქალაქო ჩართულობის ცენტრი ახორციელებს მონიტორინგს ყველ აქციაზე და მათ შორის ამ აქციაზეც, იმისათვის, რომ არ მოხდეს არცერთი მოქალაქის, არცერთი სტუდენტისა და ძალოვანის უფლების დარღვევა. რაც შეეხება ჩვენს შეხედულებას, ყველა ის რექტორი ვინც აქამდე ყოფილა ავიწროვებდა სტუდენტებს, მე კარგად მახსოვს ეს, რადგან სტუდენტური მოძრაობის აქტიური წევრი ვიყავი, დღეს შეიცვალა ვითარება. ეს ადამიანები ცდილობენ იმ მექანიზმის შექმნას, რომ ნაციონალური მოძრაობის , ანუ წინა ხელისუფლების სისტემა, რომლითაც სტუდენტებს აჩერებდნენ, ეს ბერკეტები არ დაეშალოთ და სტუდენტები ისევ მათი სამართავი იყოს. ვფიქრობთ, რომ არ შეიძლება ამ სფეროში ჩაერთოს რომელიმე პოლიტიკური ძალა"- განაცხადა ჩიტაძემ.