ზაფხულის პირველი კინოჰიტი „ქალი-საოცრება“ ლიბანის რესპუბლიკაში კინოთეატრებიდან ამოიღეს. მიზეზი, რის გამოც ლიბანის შსს-მ 31 მაისს დაანონსებული პრემიერა გააუქმა და ქვეყნის მასშტაბით ფილმით ჩვენება აკრძალა, მთავარ როლის შემსრულებელი ებრაელი მოდელი და მსახიობი, ყოფილი მის ისრაელი გალ გადოტია.

აღნიშნული გადაწყვეტილება სიურპრიზი არ ყოფილა, რადგან ლიბანი ისრაელთან ოფიციალურად საომარ მდგომარეობაში იმყოფება. ქვეყანაში ასევე აკრძალულია ისრაელის ნებისმიერი სახის პროდუქტის შეტანა. ამასთანავე უნდა ითქვას, რომ ლიბანი ერთადერთია იმ არაბულ ქვეყნებს შორის, რომლებიც ისრაელთან ოფიციალურად საომარ მდგომარეობაში იმყოფებიან, სადაც „ქალი-საოცრება“ აიკრძალა, ყველა სხვა არაბულ ქვეყნებში ფილმის ჩვენება არ გაუუქმებიათ.

აღსანიშნავია, რომ ფილმმა პრემიერისთანავე კინოგაქირავების რეკორდი მოხსნა - იგი ქალი რეჟისორის მიერ გადაღებული პირველი ფილმი გახდა, რომელმაც ბოქს-ოფისში 100 მილიონი დოლარი პირველივე კვირაში მოაგროვა. კრიტიკოსებისა და მაყურებლების მხრიდან კი დადებითი შეფასებები დაიმსახურა.