"ბუკი", რომელმაც „ბოინგ-777" ჩამოაგდო რუსეთს ეკუთვნოდა"- Bellingcat-ის საგამოძიებო დასკვნა

მსოფლიო - 12:11, 05 Jun, 2017

4822

საზენიტო-სარაკეტო კომპლექსი „ბუკი“, რომელმაც 2014 წლის ზაფხულში უკრაინის საჰაერო სივრცეში მალაიზიური სამგზავრო თვითმფრინავი ჩამოაგდო, რუსეთის, კერძოდ კი კურსკის სამხედრო ნაწილის კუთვნილებაში იყო, ამის შესახებ ნათქვამია Bellingcat-ის საგამოძიებო ანგარიშში. მტკიცებულებად კი „ბუკის“ ცნობილ ფოტოს აქვეყნებენ, რომელიც რუსეთიდან უკრაინაში გადატანის წინ არის გადაღებული.

ფოტოზე ასახულია მამაკაცი, რომლის ფონზეც ჩანს „ბუკის’ თვითმავალი მოწყობილობა, ნომრით 332. უკან ჩანს ვარდისფერი კონტეინერი, რომელიც 3М8 ЗРК „კრუგის“ რაკეტების გადასატანად გამოიყენება.

Bellingcat თვლის რომ სწორედ ამ „ბუკიდან“ ესროლეს „ბოინგ-777’-ს რომელიც 2014 წლის 17 ივლისს რეის MH17-ს ასრულებდა, მათი თქმით ამას ადასტურებს ის უნიკალური თეთრი ნომრები, ტვირთის გაბარიტის მანიშნებლები და კორპუსზე არსებული სატრანსპორტო მარკირება.

აღნიშნულ ბრალდებას კვლავ უარყობს რუსეთი და მომხდარ ფაქტში ისევ უკრაინულ მხარეს ადანაშაულებს.

Bellingcat- საერთშორისო ექსპერტთა და ჟურნალისტთა ჯგუფია, რომელიც 2014 წელს ბრიტანელმა ჟურნალისტმა ელიოტ ჰიგინსონმა დააფუძნა. თავის ანგარიშებში Bellingcat ეყრდნობა ღია წყაროებს, როგორიცაა ფოტო-ვიდეო მასალა სოციალური ქსელებიდან და თანამგზავრული ფოტოები.