რა ვითარებაში შეხვდა პუტინი აშშ-ის ეროვნული უსაფრთხოების ყოფილ მრჩეველს მაიკლ ფლინს

მსოფლიო - 12:11, 05 Jun, 2017

1582

რუსეთის პრეზიდენტი ვლადიმერ პუტინი ამერიკის შეერთებული შტატების ეროვნული უსაფრთხოების ყოფილ მრჩეველთან რაიმე სახის მოლაპარაკებების წარმოებას უარყოფს. მისი თქმით, მაიკლ ფლინთან მას „პრაქტიკულად არც უსაუბრია“.

პრესაში გავრცელებულ ფოტოზე, რომელიც 2015 წლის დეკემბერშია გადაღებული მაიკლ ფლინი პუტინის გვერდით ზის.

ამა წლის თებერვალში, მრჩევლად დანიშვნილდან ერთი თვის შემდეგ მაიკლ ფლინი იძულებული გახდა გადამდგარიყო, რუსეთის ელჩთან მისი კონტაქტების გამო. ამჟამად მაიკლ ფლინი ერთ ერთი მთავარი ფიგურანტია იმ გამოძიებისა, რომელიც ტრამპის საარჩევნო შტაბისა და კრემლის სავარაუდო კავშირებს სწავლობს.

„მე თქვენთან გაცილებით უფრო ახლო ურთიერთობა მაქვს, ვიდრე ბატონ ფლინთან. მე და თქვენ ერთმანეთს შევხვდით გუშინ საღამოს, დღეს მთელი დღეა ერთად ვმუშაობდით და ახლაც შევხვდით.“- განაცხადა პუტინმა NBC-ის ჟურნალისტთან მეგინ კელისთან საუბრისას.

„როდესაც მე მივედი Russia Today-ის ღონისძიებაზე და მაგიდასთან დავჯექი, ჩემს გვერდზე იჯდა ჯენტლმენი. მე წარმოვთქვი ჩემი სიტყვა. შემდეგ ჩვენ რაღაცებზე ვილაპარაკეთ, შემდეგ ავდექი და წამოვედი. ამის შემდეგ მე მკითხეს „თქვენ იცით ვინ ოჯდა თქვენს გვერდით? ის ოდესღაც უსაფრთხოების სამსახურში მუშაობდა.“ ეს იყო სულ. მე მას უბრალოდ გავესაუბრე“- განაცხად პუტინმა.

ამ კონფერენციაზე გამოსვლისთვის მაიკლ ფლინმა ჰონორარად 45 ათასი დოლარი აიღო და ასევე პატივი ერგო პუტინის გვერდით დამჯდარიყო. 2016 წლის აგვისტოში მაიკლ ფლინმა Washington Post-თან ინტერვიუში განაცხადა, რომ პუტინის გვერდით დაჯდომა მას არ უთხოვია:

„მე ერთ-ერთი სტუმართაგანი ვიყავი, იქ საინტერესო ადამიანები იყვნენ. მე ვთვლი, რომ ეს რაღავ ახალის გასაგებად კარგი საშუალება იყო. მაგალითად იმის რომ პუტინი პატივს არ სცემს აშშ-ის ხელმძღვანელობას, არა თვითონ ამერიკას, არამეს ხელმძღვანელობას.“- აცხადებდა ფლინი მაშნდელ ინტერვიუში.