12:00 საათისთვის ბათუმში 170 პოლონელი ტურისტი ერთი კვირით ჩამოვიდა დასასვენებლად.

ფრენები კვირაში ერთხელ სეზონის ბოლომდე გაგრძელდება. ვარშავა-ბათუმის ავია-ფრენები აჭარის ტურიზმისა და კურორტების დეპარტამენტის მიერ პოლონეთში წარმოებული სარეკლამო კამპანიის ფარგლებშია დაგეგმილი. დეპარტამენტი ბათუმის აეროპორტში ჩამოსულ პოლონელ სტუმრებს საზეიმო დახვედრას მოუწყვეს.

აჭარულ ტრადიციულ სამოსში გამოწყობილი ბავშვები ტკბილეულით გაუმასპინძლდებიან პოლონელებს, ხოლო დეპარტამენტის თანამშრომლები მათ აჭარის ტურისტული პოტენციალის ამსახველ სარეკლამო მასალებს გადასცემენ. მიუხედავად იმისა, რომ ზაფხულის სეზონი ჯერ კიდევ არ შესულა აქტიურ ფაზაში, 2013 წლის იანვარ-მაისის სტატისტიკური მონაცემებით პოლონელი ტურისტების რიცხვი გასული წლის იგივე პერიოდთა შედარებით 46 %-ითაა გაზრდილი. სავარაუდოდ, სეზონის ბოლოს ეს მაჩვენებელი კიდევ უფრო გაიზრდება.