იტალიაში, ტურინში სან-კარლოს მოედანზე ჩემპიონთა ლიგის ფინალის ტრანსლირებისას მომხდარი ჭყლეტის დროს 600 ადამიანი დაშავდა. ტურინის მოედანზე მატჩს 20 ათასი ადამიანი უყურებდა. ინციდენტი „რეალის“ მიერ „იუვენტუსის“ კარში გატანილი მესამე გოლის შემდეგ მოხდა, როდესაც მოედანზე ასაფეთქებლის ხმა გაისმა.

შემთხვევის ადგილზე განვითარებული მოვლენების ვიდეოს სააგენტო AFP თავის Twitter-ის გვერდზე ავრცელებს. ხალხი მოედნიდან გასვლას ცდილობდა, რასაც ჭყლეტა მოყვა. დაშავებულებს შორის რამდენიმეს მდგომარეობა მძიმეა, მათ შორის ერთი 4 წლის ბავშვია, კიდევ ერთი 3 წლის ბავშვი დაიკარგა, პოლიცია მას ეძებს.