აშშ არ დაუშვებს ჩინეთის მხრიდან სტატუს-კვოს ძალდატანებით შეცვლას

აშშ არ დაუშვებს ჩინეთის მხრიდან სტატუს-კვოს ძალდატანებით შეცვლას - მატისი

მსოფლიო - 15:54, 03 Jun, 2017

4257

ამერიკის შეერთებული შტატები არ შეურიგდება ჩინეთის მიერ შექმნილი ხელოვნური კუნძულების მილიტარიზაციას სამხრეთ ჩინეთის ზღვაში, განაცხადა აშშ-ს თავდაცვის მინისტრმა ჯეიმს მატისმა. მისი განცხადებით ეს ქმედება აშკარად საფრთხეს უქმნის რეგიონის სტაბილურობას. ამის შესახებ მატისმა სინგაპურში გამართულ უსაფრთხოების კონფერენციაზე განაცხადა,

"ჩვენ გამოვდივართ იმ ქვეყნების წინააღმდე, რომლების ხელოვნურად შექმნილი კუნძულების მილიტარიზაციას ახდენს და საერთაშორისო წყლებზე საკუთარ ამბიციურ და დაუსაბუთებელ პრეტენზიებს აცხადებს. აშშ არ დაუშვებს სტატუს-კვოს ძალადობრივ და ცალმხრივ შეცვლას," - აცხადებს მატისი.

როგორც ცნობილია, ჩინეთი აცხადებს, რომ სამხრეთ ჩინეთის ზღვა მის ტერიტორიულ წყლებში შედის, რასაც არ ეთანხმებიან რეგიონის სხვა ქვეყნები, ხოლო ამერიკის შეერთებული შტატები თვლის რომ მას შეუძლია საზღვაო წვრთნები ყველა საერთაშორისო წყლებში ჩაატაროს. მიუხედავად უარყოფითი საერთაშორისო ფნისა, ჩინეთი აგრძელებს არქიპელაგის კუნძულების ხელოვნურ ზრდას და მასზე სამხედრო ინფრასტრუქტურის განთავსებას.