განცხადების დაწყებისას მაკრონმა განაცხადა, რომ ამერიკა ამ გადაწყვეტილებით შეცდომას უშვებს როგორც საკუთარ თავთან, ასევე ჩვენს პლანეტასთან მიმართებით:

„მსურს რამდენიმე სიტყვა ვუთხრა ჩვენს ამერიკელ მეგობრებს. კლიმატის ცვლილება არის ერთ-ერთი ყველაზე დიდი პრობლემა ჩვენს საუკუნეში. იგი ასევე ცვლის ჩვენს ყოველდღიურ ცხოვრებას, იგი არის გლობალური პრობლემა. თუ ჩვენ არაფერს მოვიმოქმედებთ, ჩვენი შვილები საშიშ მსოფლიოში იცხოვრებენ, ეს არ არის მომავალი, რომელიც ჩვენთვის გვსურს, ეს არ არის მომავალი, რომელიც ჩვენი შვილებისთვის გვსურს, ეს არ არის მომავალი, რომელიც გვსურს ჩვენი პლანეტისთვის. დღეს ამერიკის შეერთებული შტატების პრეზიდენტმა დონალ ტრამპმა გამოაცხადა მისი გადაწყვეტილების შესახებ, რომ გავიდეს პარიზის შეთანხმებიდან კლიმატის ცვლილბების თაობაზე. მე პატივს ვცემ ამ გადაწყვეტილებას, მაგრამ ვფიქრობ, რომ ეს არის დიდი შეცდომა, როგორც შეერთებული შტატებისთვის, ასევე ჩვენი პლანეტისთვის. დღეს ვეუბნები ამერიკის შეერთებულ შტატებს - საფრანგეთს სჯერა შენი, მსოფლიოს სჯერა შენი, ვიცი რომ თქვენ ხართ დიდებული ერი, მე ვიცი თქვენი ისტორია, ჩვენი საერთო ისტორია“, - განაცხადა მაკრონმა.