გაეროს გენერალური მდივნის მოადგილის სტივენ ო'ბრაიენის განცხადებით, იემენი სრული ჰუმანიტარული, სოციალური, ეკონომიკური და სამართლებრივ-ორგანიზაციული კატასტროფის წინაშე დგას. ამ კრიზისის მიზეზი ქვეყანაში მიმდინარე სამოქალაქო ომია.

"იემენის 7 მილიონამდე მცხოვრები შიმშილით სიკვდილის საფრთხის წინაშე დგას. ადამიანებს კლავენ, მათ არ აქვთ სუფთა წყალი და საკვები. ქვეყანაში მძვინვირებს სხვადასხვა დაავადებები, მათ შორის ქოლერა, რომლითაც უკვე გარდაიცვალა 500 ადამიანი და დაავადებულთა რიცხვმა 60 000 მიაღწია. ვთხოვთ, მსოფლიოს მთავრობებს, დროულად აღმოუჩინონ ამ ქვეყანას დახმარება, რათა მოსახლეობა ვიხსნათ კატარსტროფული შედეგისაგან," - აცხადებს ო'ბრაიენი.