რუსეთის საგანგებო სიტუაციების სამსახურმა მოსკოველები მორიგი ქარიშხლის საშიშროების შესახებ გააფრთხილა.

სამსახურის ცნობით, 31 მაისი - 1 ივნისის ღამით მოსალოდნელია, რომ ქარის სიჩქარე 24 მეტრი/წმ-ს მიაღწევს, რამაც შესაძლოა კვლავ ხეების მოგლეჯა და ელექტროსადენების დაზიანება გამოიწვიოს.

თუ პროგნოზი გამართლდა, ეს უკვე მეორე ქარიშხალი იქნება, რომელიც მ,ოსკოვს ამ კვირაში დაატყდება თავს. შეგახსენებთ, რომ 29 მაისს, ქარიშხალმა 15 ადამიანი იმსხვერპლა, 200 კი დააზიანა. მოგლეჯილია 3500 ხე, დაზიანდა 150 მაღალსართულიანი სახლი და 1500 ავტომანქანა.