მანჩესტერის ტერაქტი - თვითმკვლელი ტერაქტისთვის მარტო ემზადებოდა

მსოფლიო - 13:12, 31 May, 2017

2338

მანჩესტერელმა თვითმკვლელმა სალმან აბედიმ ასაფეთქებელი მოწყობილობის დასამზადებლად კომპონენტების უმრავლესობა დამოუკიდებლად შეიძინა. 4 დღის განმავლობაში ტერაქტისთვის ის დამოუკიდებლად ემზადებოდა. ამის შესახებ განცხადება კონტრტერორისტული სამმართველოს წარმომადგენელმა რუს ჯექსონმა გააკეთა. თუმცა, ამასთანავე პოლიცია არ გამორიცხავს, რომ აბედი საიდუმლო ქსელის წევრი იყო.

ცნობილი ხდება ის რომ პოლიციამ თავდასხმის შემდეგ დაკავებული 3 პირი ბრალდების წარდგენის გარეშე გაათავისუფლა. სამართალდამცავები ამ დროისთვის იკვლევენ იმას რას მოქმედებდა აბედი ლიბიიდან 18 მაისს დაბრუნების შემდეგ, ტერაქტის განხორციელებამდე. ისინი სწავლობენ სათვალთვალო კამერების ჩანაწერებს, თვითმკვლელი ტერორისტის კონტაქტებს და სატელეფონო ზარებს.

„გამოძიება გვიჩვენებს, რომ რომ აბედიმ ბომბის დასამზადებელი კომპონენტები დამოოუკიდებლად, მარტომ შეიძინა და აშკარა ხდება, რომ ის ჩამოსვლიდან ტერაქტის განხორციელებამდე ძირითადად მარტო მოძრაობდა და მოქმედებდა.“- განაცხადა ჯექსონმა. მისი თქმით ძალიან მნიშვნელოვანია, რომ პოლიციამ ზუსტად დაადგინოს იყო თუ არა ის დამნაშავეთა ქსელის წევრი, ამასთანავე ჯექსონის თქმით არსებობს გარკვეული საკიტხები, რომლებიც შესწავლას საჭიროებს. სხვა საკითხებთან ერთად პოლიციას სურს გაარკვიოს რატომ ბრუნდებოდა აბედი ქალაქის ერთი და იგივე რაიონში (უიმსლოუ როუდი), ამასთანავე ეძებენ იმ ლურჯ ჩემოდანსაც რომელიც ტერორისტს თან დაჰქონდა.

ერთი კვირის წინ პოლიცია ირწმუნებოდა , რომ მანჩესტერის საკონცერტო დარბაზში აფეთქება ჯგუფის მიერ იყო ორგანიზებული.

ტერაქტმა , რომელიც აბედიმ „მანჩესტერ-არენაზე“ 22 მაისს განახორციელა, 22 ადამიანი იმსხვერპლა, ათეულობით ადამიანმა კი დაზიანებები მიიღო.