საზოგადოებრივ მაუწყებელს კახა კალაძის გამოსამშვიდობებელი მატჩის ტრანსლაციისთვის არანაირი თანხა არ გადაუხდია - აღნიშნულია მაუწყებლის მიერ მედია.ჯი-სთვის გაგზავნილ ინფორმაციაში.

შეგახსენებთ, რომ კახი კალაძის გამოსამშვიდობებელი მატჩი მიმდინარე წლის 31 მაისს გაიმართა, სადაც ერთმანეთს საფეხბურთო კლუბის, "მილანის" ფეხბურთელები და კალაძის მეგობრები დაუპირისპირდნენ.

მატჩის მედია ოფიცერის, მამუკა კვარაცხელიას განცხადებით, შეხვედრის ტრანსლირებაში "საზოგადოებრივ მაუწყებელს" დიდი თანხა აქვს აღებული და სწორედ ამიტომ, როგორც ინტერვიუების აღებისას, ისე კადრების გადაღებისას უპირატესობა სწორედ საზოგადოებრივ მაუწყებელს მიენიჭა, სხვა არხებს კი მატჩის ფრაგმენტების გადაღების საშუალებაც არ მიეცათ.