ამის შესახებ საკუთარი მოსაზრება სანდრო ბრეგაძემ ,,ნიუპოსტს" მიაწოდა. ბრეგაძე მიიჩნევს, რომ რესპუბლიკელების მხრიდან ეს არის, არჩევნებამდე 1-2 თვით ადრე, პოლიტიკური ფანდი და ძალის ჩვენება:

,,არ მესმის რესპუბლიკელების პოზიცია იმასთან დაკავშირებით, რომ პრემიერს არ უნდა ჰქონდეს რექტორის დროებითი მოვალეობის შემსრულებლის დანიშვნის უფლება, ახალ არჩევნებამდე (ფაქტიურად 1-2 თვით) თუ ეს პოლიტიკური ფანდი და ძალის ჩვენების დემონსტრირება არაა ბიძინა ივანიშვილის მიმართ, მაშინ ამას არანაირი ლოგიკური ახსნა არა აქვს და დარწმუნებული ვარ თავადაც შესანიშნავად ხვდებიან. მე ამ წინააღმდეგობას უფრო უნდობლობას დავარქმევდი ივანიშვილის მიმართ რესპუბლიკელების მხრიდან, ვიდრე უნივერსიტეტის ავტონომიურობისთვის ბრძოლას", - აცხადებს სანდრო ბრეგაძე.

მისივე თქმით, უნივერსიტეტები 9 წლის მანძილზე, სავსე იყო სააკაშვილის და თავისუფლების ინსტიტუტის არაკომპეტენტური კადრებით. ბრეგძე ალექსანდრე კვიტაშვილს, გიგი თევზაძეს და სხვა უნივერისტეტების რექტორებს ,,ნაცკომისრებს" უწოდებს:

,,რაც შეეხება ივ. ჯავახიშვილის სახელმწიფო უნივერსიტეტს, ილიას უნივერსიტეტს და სხვა სახელმწიფო უმაღლეს სასწავლებლებს სააკაშვილი ერთპიროვნულად მართავდა და 9 წლის განმავლობაში. ეს სასწავლებლები გაიძეძგა სააკაშვილისა და თავისუფლების ინსტიტუტის აბსოლუტურად არაკომპეტენტური კადრებით, მოდით პირდაპირ დავარქვათ მათ სახელები და ის ვუწოდოთ, რაც რეალურად მათ შეშვენის და ეს სახელი - კომისარია.

დიახ, სანდრო კვიტაშვილი, გიგი თევზაძე და მათი მსგავსი რექტორატის წარმომადგენლები რეალურად წითელი კომისრების სულიერი შვილები და საქმის გამგრძელებლები არიან და მათ პირობითად ,,ნაცკომისრები" შეიძლება ეწოდოს. უნივერსიტეტების მთელი პროფესურა, სამეცნიერო საბჭოები თუ სტუდენტური კავშირი მხოლოდ ,,ნაცკომისრებით" და ახალგაზრდა კომკავშირლებითაა დაკომპლექტებული, რომელთა ბელადიც მიხეილ სააკაშვილია და რომელნიც ყოველთვის შეასრულებენ მხოლოდ ბელადის ნება-სურვილს.დეკანატები სავსეა არაკომპეტენტური და უცოდინარი ,,ნაცკომისრებით", რომელთაც პოლიციის ძალით გამოყარეს ჩვენი მხცოვანი და ბრძენი პროფესორები და მათი ადგილი დაიკავეს ისე, რომ წარბიც კი არ შეუხრიათ.

მოკლედ წითელი დიქტატურა და ,,ნაცკომისრების" ბოგინია ყველა უმაღლეს სასწავლებელში და ამის სასწრაფოდ აღმოფხვრაა საჭირო და სწორედ ამისთვისაა საჭირო ის დროებითი ღონისძიებები, რომელიც პრემიერის მიერ რექტორის მოვალეობის დროებითი შემსრულებლის დანიშვნას გულისხმობს.

ვფიქრობ ეს ყველას ესმის, გარდა იმ ხალხისა, რომელთაც ივანიშვილის მიმართ ფარული შური და ზიზღი ამოძრავებთ. ვინაა ეს ხალხი, ეს თვითონ ბატონმა ივანიშვილმა გაარკვიოს. მე კი ვიტყვი - სასწრაფოდ გავათავისუფლოთ უნივერსიტეტები ნაცკომისრებისგან!!!!!!", - აცხადებს სანდრო ბრეგაძე.