მანჩესტერის ტერაქტთან კავშირში ეჭვმიტანილი კიდევ ერთი პირი დააკავეს

მსოფლიო - 10:29, 29 May, 2017

1350

დიდი ბრიტანეთის პოლიციამ, მანჩესტერ არენაზე განხორციელებულ ტერაქტთან კავშირში ეჭვიმატილი კიდევ ერთი ადამიანინ დააკავა.

ამ დროისთვის, სულ 13 ადამიანია დაკავებული. 2 დაკავებული პოლიციამ მტკიცებულებათა არარსებობის გამო გაათავისუფლა.

რაც შეეხება ბოლო დაკავებულს, ის 19 წლის ბიჭია, რომელიც მანჩესტერში აიყვანეს.

შეგახსენებთ, მანჩესტერ არენაზე ტერაქტი პოპ მომღერალ არიანა გრანდეს კონცერტზე მოხდა, რასაც 22 ადამიანი ემსხვერპლა, მათ შორის არიან ბავშვები, დაშავებულთა რიცხვი კი 119- ს შეადგენს. აფეთქება მაშინ მოხდა, როდესაც კონცერტი დასრულდა და ხალხი გასასვლელისკენ მიემართებოდა.

თავდამსხმელი, რომელმაც კონცერტზე თავი აიფეთქა, წარმოშობით ლიბიელი, 23 წლის ბრიტანელი, სალმან აბედია, რომელიც როგორც გაირკვა, ბოლო დროს ლიბიასა და სირიაში ხშირად მოგზაურობდა.

ბრიტანეთის პოლიციამ დაადასტურა, რომ მანჩესტერ არენაზე მომხდარი ტერაქტი ჯგუფის მიერ იყო ორგანიზებული და თვითმკვლელმა ტერორისტმა, რომელმაც კონცერტზე თავი აიფეთქა, მარტო არ მოქმედებდა.

თავდასხმაზე პასუხისმგებლობა , რადიკალურმა ისლამისტურმა დაჯგუფება "ისლამურმა სახელმწიფომ" აიღო.

ტერაქტთან კავშირში დაკავებულებს შორის არიან თვითმკვლელი ტერორისტის ძმები და მამა. სამართალდამცავები ვარაუდობენ, რომ სალმან აბედის უმცროსი ძმა 20 წლის ჰასებ აბედი, "ისლამურ სახელმწიფოსთან" კავშირშია ეჭვმიტანილი და ლიბიაში გეგმავდა ტერაქტს. ის ტრიპოლში დააკავეს.

ამავდროულად, ცნობილი გახდა, რომ სანამ სალმან აბედი მანჩესტერ არენაზე ტერაქტს მოაწყობდა, დედას დაურეკა და პატიება სთხოვა.

„მაპატიე“- გამოცემის ცნობით, ასე გამოემშვიდობა აბედი დედას