"გამარჯვებული პარტიის წინასაარჩევნო პროგრამის დაპირებებს არ გააჩნდა საქმიანობის კონკრეტული ჩამონათვალი ან ინდიკატორები, რაც შესაძლებელს გახდიდა მკაფიოდ წარმოჩენილიყო მთავრობის მიერ განხორციელებული საქმიანობის შედეგები და გაზომილიყო მათი ეფექტიანობა" - აცხადებს ნინო სააკაშვილი, საქართველოს შეფასების ასოციაციის პრეზიდენტი.

"პოლიტიკური პარტიების წინასაარჩევნო პროგრამას აკლდა როგორც ნათელი და კონკრეტული ქმედებები, ასევე შედეგზე ორიენტაცია, რის გამოც ხშირ შემთხვევაში მოქმედი ხელისუფლების საქმიანობა უფრო მეტად პროცესზე, და არა შედეგზეა ორიენტირებული".

თუმცა, წინასაარჩევნო პროგრამის იმ დაპირებების გარკვეული ნაწილი, რომლებიც მკაფიოდ იყო ჩამოყალიბებული, 2012 წლის ოქტომბრის არჩევნების შემდეგ, – უკვე შესრულებულია. ამის მაგალითია წინასაარჩევნო პროგრამის ერთერთი კონკრეტული და შედეგზე ორიენტირებული დაპირება სოფლის მეურნეობის სფეროში საკონსულტაციო ცენტრების შექმნის შესახებ საქართველოს ყველა რეგიონში. ეს დაპირება უკვე მიღწეულია. ის დაპირებები კი, რომლებიც ბუნდოვნად იყო ჩამოყალიბებული წინასაარჩევნო პროგრამაში, რომელთაც აკლდათ კონკრეტიკა და შედეგზე ორიენტაცია, – დღეისათვის ჯერ–ჯერობით არ არის შესრულებული და სავარაუდაოდ, მათი შესრულება მომავალშიც რთული და შეუძლებელიც კი იქნება. წინასაარჩევნო პროგრამის მაკროეკონომიკის სფეროს დაპირება "ეფექტური ვალის მართვის პოლიტიკის გატარება, რომელიც მხედველობაში მიიღებს თაობათა შორის სამართლიანობას და უზრუნველყოფს მდგრად მაკროეკონომიკურ პოლიტიკას" – ბუნდოვანი დაპირების მაგალითია, რომლის მიღწევისათვის ამ მხრივ მთავრობას ჯერ–ჯერობით არაფერი განუხორციელებია.

დამოუკიდებელი მონიტორინგის სხვა, უფრო ვრცელ შედეგებს არასამთავრობო და არაპოლიტიკური ორგანიზაცია: საქართველოს შეფასების ასოციაცია საზოგადოებას წარუდგენს.

პრეზენტაციას შეფასების ასოციაცია 14 ივნისს, 15 საათზე სასტუმრო "მარიოტში გამართავს.