ტოკიოში, ბრედ პიტის ბოლო ნამუშევრის War Machine-ის („საომარი მანქანა“) პრემიერა გაიმართა.

შეიძლება ითქვას, რომ პრემიერის მთავარი მოვლენა არა ფილმი, არამედ თავად მსახიობი ჩანდა.

ბოლო დროს გავრცელებული ფოტოებისგან განსხვავებით, ტოკიოს პრემიერის ფოტოებზე ბრედ პიტი ბევრად ახალგაზრულად გამოიყურება, ხალისიანადაც იღიმის და უფრო ბედნიერიც ჩანს.

War Machine („საომარი მანქანა“) რეალურ ისტორიაზეა დაფუძნებული, აშშ-ის არმიიდან გარიცხულ გენერალს, სტენლი მაკკრისტალს ეხება, რომლის როლსაც ბრედ პიტი ასრულებს. გენერალი არმიიდან მას შემდეგ დაითხოვეს, რაც ავღანეთის საერთაშორისო სამხედრო კამპანიის მეთაურის თანამდებობაზე ყოფნისას, ჟურნალ Rolling Stone-ს სკანდალური ინტერვიუ მისცა. მან აშშ-ს მთავრობის მაღალჩინოსნები ამხილა, მათ შორის ვიცე-პრეზიდენტი ჯო ბაიდენი და აშშ-ის ელჩები ავღანეთსა და პაკისტანში, კარლ ეიკენბერი და რიჩარდ ჰოლბრუკი.

რაც შეეხება თავად ბრედ პიტს, ანჯელინა ჯოლისთან სკანდალური განქორწინების შემდეგ, მედიასა და საზოგადოების წინაშე დიდხანს არ გამოჩენილა.

მედიას პირველი ინტერვიუ კი განქორწინების შესახებ ინფორმაციის გავრცელებიდან 7 თვეში ჟურნალ GQ-ს მისცა, რომელმაც სრულიად ინტერნეტსივრცე დაიპყრო. ბრედ პიტის ინტერვიუ და შთამბეჭდავი ფოტოები მის საუკეთესო საიმიჯო ინტერვიუდ შეფასდა.

შეგახსენებთ, ანჯელინა ჯოლისა და ბრედ პიტის რომანი 2005 წელს, ფილმ "მისტერ და მისის სმიტების" გადაღებაზე დაიწყო, რომელშიც მსახიობები მთავარ როლებს ასრულებდნენ.

წყვილს 6 შვილი ჰყავს. აქედან სამი ნაშვილებია. ბრედმა ანჯელინას 3 ნაშვილები ბავშვი მედოქს ჩივანი (05.08.01წ.), პაქს ტიენი (29.11.03წ.), ზაჰარა მარლი (08.01.05წ.) იშვილა.

თანაცხოვრების პერიოდში კი მათ სამი შვილი გაუჩნდათ შაილო ნუველი (27.05.06წ), ტყუპები –ნოქს ლეონი და ვივიენ მარშელინი (12.07.08წ.)

ანჯელინა და ბრედმა 2014 წელს იქორწინეს, 2016 წლის აგვისტოში კი განქორწინების შესახებ განაცხადეს.