თურქეთმა ნატოს თანამშრომლობას ავსტრიასთან ვეტო დაადო.

BBC-ის ცნობით, ანკარის ქმედება დაკავშირებულია ავსტრიის მცდელობასთან, ხელი შეუშალოს თურქეთის ევროკავშირში გაწევრიანებას.

აღსანიშნავია, რომ თურქეთის ვეტო არა მხოლოდ ავსტრიას ეხება, არამედ დაიბლოკა ალიანსის კოოპერაცია 41 არაწევრ პარტნიორ ქვეყანასთანაც.

აღნიშნულის საპასუხოდ, ნატოს წევრებმა თანამშრომლობის პროცედურების შეცვლა გადაწყვიტეს.

მიუხედავად იმისა, რომ ავსტრია ნატოს წევრი ქვეყანა არ არის, ალიანსთან მჭიდროდ თანამშრომლობს და კოსოვოს უსაფრთხოების მისიაში ერთ-ერთი მთავარი კონტრიბუტორია. კოსოვოში, 400-მდე ავსტრიელი სამხედრო მოსამსახურეა განთავსებული.

ევროკავშირში გაწევრების განაცხადის დაბლოკვის მცდელობის გამო, თურქეთი ავსტრიაზე გაბრაზებულია. პრეზიდენტი ერდოღანი, ასევე, ავსტრიას ევროკავშირთან ურთიერთობის გაყინვაში ადანაშაულებს.

ავსტრიის თავდაცვის მინისტრმა ჰანს პეტერ დოსკოზილმა BBC-ის ოფიციალური განცხადება გადაუგზავნა, რომლითაც თურქეთის ქმედებას უპასუხისმგებლოს უწოდებს.

"ეს არის უპასუხისმგებლო ქმედება ავსტრიის წინააღმდეგ, რაც აძლიერებს ჩვენს პოზიციას, რომ თურქეთი ძალიან შორს არის ევროკავშირის წევრობისგან. ამ ნაბიჯით თურქეთი საფრთხის უქმნის ევროპის ინტერესებს" - ნათქვამია განცხდებაში.