როგორც დაკითხვიდან გამოსულმა ჟურნალისტმა განაცხადა, დაკითხვა მიღებული პროცედურის სრული დაცვით ჩატარდა და მისთვის არ დაუსვამთ კითხვები, რომელიც საქმეს არ ეხებოდა:

"ძალიან თავაზიანად განმიმარტეს ჩემი უფლებები, გამომძიებელს არ დაუსვამს კითხვები, რომლებიც საქმესთან კავშირში არ იქნებოდა. მითხრეს, რომ აინტერესებდათ მომხდარი ჩხუბის დეტალები, რათა დაედგინათ მოძალადეთა და დაზარალებულის ვინაობა. ჩემგან შემთხვევის ზუსტი ადგილის გაგება სურდათ, რათა ქუჩის სათვალთავლო კამერების ჩანაწერები ამის მიხედვით ამოეღოთ. რაც ვიცოდი, სტატიაში ისედაც ეწერა, მაგრამ დამატებით რახან აინტერესებდათ, დეტალურად ვუთხარი. თავად გამომძიებელი, რომელსაც მუშაობის 12 წლის სტაჟი ჰქონდა, საკმაოდ ტაქტიანი და თავისი საქმის მცოდნე პირი იყო. მოკლედ, იმის თქმა მინდა, რომ პოლიტიკური სარჩული ამ დაკითხვას არ ედო, თუმცა კითხვაზე, რატომ აქამდე არ დაინტერესდნენ 22 მაისს გამოქვეყნებული მასალის დეტალებით, მაინც ვერ მიპასუხეს", - აღნიშნა ლაშა ბერულავამ.

ლაშა ბერულავა 2013 წლის 22 მაისს "ნიუპოსტსა" და "აფხაზეთის ხმაში" გამოქვეყნებულ ინფორმაციასთან დაკავშირებით დაკითხეს: "მარჯანიშვილის ქუჩაზე ბიჭს "სხვანაირი ქცევის გამო" სასტიკად გაუსწორდნენ".