"ექსპერტების შეფასებით, შემდეგი თავდასხმა გარდაუვალია“

"ექსპერტების შეფასებით, შემდეგი თავდასხმა გარდაუვალია“ - დიდი ბრიტანეთის პრემიერი

მსოფლიო - 14:05, 24 May, 2017

1865

დიდი ბრიტანეთის პრემიერის ტერეზა მეის განცხადებით, ქვეყანაში ტერორისტული საფრთხის დონე “სერიოზულიდან კრიტიკულამდე” გაიზარდა. ეს კი იმას ნიშნავს, რომ ქვეყანაში მორიგი ტერაქტი ნებისმიერ დროს შეიძლება მოხდეს.

მეის თქმით, აღნიშნულის აუცილებლობა, ტერორიზმის ანალიზის გაერთიანებული ჯგუფის შეფასებამ განაპირობა. ბრიტანეთის პრემიერის განცხადებით, ექსპერტები პოლიციიდან, დაზვერვიდან და სხვა ძალოვანი სტრუქტურიდან, მივიდნენ დასკვნამდე, რომ ტერორისტული საფრთხის დონე მაქსუმუმადე გაზრდილიყო.

„ეს შეფასება არა მხოლოდ იმას ნიშნავს, რომ ახალი თავდასხმა ძალიან სავარაუდოა, არამედ იმასაც, რომ შემდეგი თავდასხმა გარდაუვალია“ - დასძინა ტერეზა მეიმ.

მისი თქმით, არის გამორიცხული, ქვეყანაში ადამიანთა ჯგუფი იმყოფებოდეს, რომელიც მანჩესტერში განხორციელებულ თავდასხმასთან არის კავშირში.

შეგახსენებთ მანჩესტერ არენაზე მომხდარ თავდასხმაზე პასუხისმგებლობა , რადიკალურმა ისლამისტურმა დაჯგუფება "ისლამურმა სახელმწიფომ" აიღო.

მანჩესტერ არენაზე ტერაქტი პოპ მომღერალ არიანა გრანდეს კონცერტზე მოხდა, რასაც ამჟამინდელი მონაცემებით 22 ადამიანი ემსხვერპლა, მათ შორის არიან ბავშვები, დაშავებულთა რიცხვი კი 59-ს შეადგენს.

თავდამსხმელი, რომელმაც მანჩესტერ არენაზე, არიანა გრანდეს კონცერტზე თავი აიფეთქა, წარმოშობით ლიბიელი, 23 წლის ბრიტანელი, სალმან აბედია, რომელიც როგორც გაირკვა, ბოლო დროს ლიბიასა და სირიაში ხშირად მოგზაურობდა.
გავრცელებული ცნობით, მან სირიაში ე.წ. საიდუმლო ტერორისტული წვრთნები გაიარა და დიდ ბრიტანეთში, ტერაქტამდე რამდენიმე დღით ადრე დაბრუნდა.

აფეთქება მაშინ მოხდა, როდესაც კონცერტი დასრულდა და ხალხი გასასვლელისკენ მიემართებოდა. აფეთქების ხმამ პანიკა გამოიწვია. სოციალურ ქსელებში გავრცელებულ კადრებში ჩანს, როგორც გარბიან მსმენელები დარბაზიდან.