დიჯიტალ ტვ - ციფრული მაუწყებლობის ბაზარზე ახალი საკაბელო ოპერატორი გამოჩნდა

ბიზნესი & ეკონომიკა - 11:50, 24 May, 2017

3595

ციფრული მაუწყებლობის ბაზარზე ახალი საკაბელო ოპერატორი დიჯიტალ ტვ გამოჩნდა. ინოვაციური უპირატესობების მქონე მაუწყებლობის ჩასართავად სტერეო პლუსის რადიოსიხშირული სპექტრით სარგებლობის ლიცენზია გამოიყენება.

სტერეო პლუსის ბაზაზე მუშაობა პროფესიონალურ მომსახურებას თავისთავად გულისხმობს, რადგან ამ მიმართულებით, კომპანიის დიდი გამოცდილება აქვს: კერძო მაუწყებლების გასავრცელებლად ციფრული მიწისზედა სატელევიზიო ქსელი, საქართელოს მთელ ტერიტორიაზე, 2015 წელს, სწორედ სტერო პლუსმა ააგო.

დიჯიტალ ტვ სიგნალის გავრცელების უახლეს სტანდარტებს იყენებს, მონაცემების შემჭიდროების HEVC/H.265 სტანდარტი ოპერატორს შესაძლებლობას აძლევს, ხარისხის შეუცვლელად, უფრო დიდი მოცულობის მონაცემი გაავრცელოს.

ინტერნეტისა და სატელიტური თეფშის გარემო, მაღალრეიტინგული უცხოური და ქართული არხების მიღება უკვე შეუძლიათ საქართელოს დიდ ქალაქებსა და მის მიმდებარე ტერიტორიებზე მცხოვრებ აბონენტებს.

უცხოური და ქართული ტელეარხების მისაღებად, აბონენტებს მხოლოდ დეციმეტრული ანტენა და დიჯიტალ ტვ-ის მიმღები მოწყობილობა სჭირდებათ. დიჯიტალ ტვ-ის სიგნალს ნებისმიერი ფორმაცის ტელევიზორი იღებს.

კომპანიის მიერ აბონენტებისთვის შეთავაზებულ პირველ პაკეტში გაერთიანებულია ჟანრობრივად მრავალფეროვანი არხები ისე, რომ ყველა ასაკისა და გემოვნების მაყურებლის ინტერესებზე იყოს მორგებული.

დიჯიტალ ტვ გამოირჩევა ინსტალაციის სიმარტივითაც: აბონენტს თავად შეუძლია, ჩაერთოს ქსელში, მიმღების დეციმეტრიულ ანტენასა და ტელევიზორთან მიერთებით.

მიმღები მოწყობილობის შეძენა მთელი საქართელოს მასშტაბით იქნება შესაძლებელი.