მანჩესტერ არენაზე განხორციელებული ტერორისტული აქტის შემდეგ, UEFA აცხადებს, რომ მომხდარით შოკირებულია და ფეხბურთის გულშემატკივრებს აფრთხილებს, ევროპის ლიგის ფინალურ მატჩზე დასწრების მსურველები, სტადიონზე ადრე გამოცხადნენ, რათა უსაფრთხოების სამსახურმა საკუთარი საქმიანობა განსაკუთრებული სიზუსტით განახორციელოს.

"ამ ეტაპზე, არ გვაქვს კონკრეტული ინფორმაცია დაზვერვის სამსახურებიდან, რომ UEFA-ის ევროპის ლიგის ფინალური მატჩი, სტოკჰოლმში, შესაძლოა, ტერორისტების თავდასხმის სამიზე გახდეს.

UEFA მჭიდროდ თანამშრომლობს ადგილობრივ მთავრობასთან და შვედეთის ფეხბურთის ასოციაციასთან , ტერორისტული რისკი პროექტის დაწყების დღიდანვე გათვალისწინებული იყო. გარდა ამისა, გასული წლის აპრილში სტოკჰოლმში განხორციელებული თავდასხმის შედეგად, უსაფრთხოების ზომების გამკაცრდა.

გამკაცრებული უსაფრთხოების ზომების გათვალისწინებით, UEFA მოუწოდებს ფეხბურთის გულშემატკივრებს , უსაფრთხოების შემოწმების გასავლელად, სტადიონზე რაც შეიძლება დროულად გამოცხადდნენ, რათა შესვლისასპოტენციური შეფერხება ავიცილოთ ათავიდან” - აღნიშნულია UEFA-ის განცხადებაში.

შეგახსენებთ მანჩესტერ არენაზე მომხდარ თავდასხმაზე პასუხისმგებლობა , რადიკალურმა ისლამისტურმა სახელმწიფო "ისლამურმა სახელმწიფომ" აიღო.

მანჩესტერ არენაზე პოპ მომღერალ არიანა გრანდეს კონცერტზე აფეთქება გუშინ ღამე მოხდა, რასაც ამჟამინდელი მონაცემებით 22 ადამიანი ემსხვერპლა, მათ შორის არიან ბავშვები, დაშავებულთა რიცხვი კი 59-ს შეადგენს.
ბრიტანეთის პრემიერის თქმით, თავდამსხმელი, რომელმაც თავი აიფეთქა, იდენტიფიცირებულია, თუმცა გამოძიების ინტერესებიდან გამომდინარე მისი ვინაობა არ სახელდება.
აფეთქება მაშინ მოხდა, როდესაც კონცერტი დასრულდა და ხალხი გასასვლელისკენ მიემართებოდა. აფეთქების ხმამ პანიკა გამოიწვია. სოციალურ ქსელებში გავრცელებულ კადრებში ჩანს, როგორც გარბიან მსმენელები დარბაზიდან.