8 წლის გოგონა, რომელსაც მანჩესტერის ტერაქტის შემდეგ ეძებდნენ, გარდაცვლილი იპოვეს

მსოფლიო - 16:13, 23 May, 2017

19960

მანჩესტერ არენაზე განხორციელებული ტერაქტის შედეგად გარდაცვლილთა შორის 8 წლის გოგონაა.

სეფი როუზ რუსასი დაკარგულად ითვლებოდა მას შემდეგ, რაც არიანა გრანდეს კონცერტზე, აფეთქების შემდეგ არსებული პანიკისას, დედასა და მის დას მოსწყდა.

როგორც ტელეგრაფი წერს, სამწუხაროდ, გოგონას გარდაცვალება დადასტურდა. ის მსხვერპლთა შორის აღმოჩნდა. გოგონა აფეთქებისას მიღებული ჭრილობების შედეგად დაიღუპა.

გარდაცვლილი გოგონას დედა და და საავადმყოფოებში არიან მოთავსებულები.

შეგახსენებთ მანჩესტერ არენაზე მომხდარ თავდასხმაზე პასუხისმგებლობა , რადიკალურმა ისლამისტურმა სახელმწიფო "ისლამურმა სახელმწიფომ" აიღო.

მანჩესტერ არენაზე პოპ მომღერალ არიანა გრანდეს კონცერტზე აფეთქება გუშინ ღამე მოხდა, რასაც ამჟამინდელი მონაცემებით 22 ადამიანი ემსხვერპლა, მათ შორის არიან ბავშვები, დაშავებულთა რიცხვი კი 59-ს შეადგენს.
ბრიტანეთის პრემიერის თქმით, თავდამსხმელი, რომელმაც თავი აიფეთქა, იდენტიფიცირებულია, თუმცა გამოძიების ინტერესებიდან გამომდინარე მისი ვინაობა არ სახელდება.
აფეთქება მაშინ მოხდა, როდესაც კონცერტი დასრულდა და ხალხი გასასვლელისკენ მიემართებოდა. აფეთქების ხმამ პანიკა გამოიწვია. სოციალურ ქსელებში გავრცელებულ კადრებში ჩანს, როგორც გარბიან მსმენელები დარბაზიდან.