მანჩესტერ არენაზე გასულ რამეს მომხდარ თავდასხმას, რომლის შედეგადაც 22 ადამიანი გარდაიცვალა, ათობით კი დაშავდა, დედოფალი ელიზაბედ მეორე განცხადებით ეხმაურება:

„მთელი ერი შეძრწუნებულია გასულ ღამეს მანჩესტერში მომხდარის შედეგად გარდაცვლილთა და დაშავებულთა გამო, იმ მოზარდებისა და ბავშვების გამო, რომლებიც კონცერტს ესწრებოდნენ.

ვსაუბრობ ყველას სახელით რათა გამოვხატო ჩემი უდიდესი თანაგრძნობა ყველას მიმართ, ვინც დაშავდა ამ შემაძრწუნებელი შემთხვევის შედეგად და განსაკუთრებით მათი ოჯახებისა და მეგობრების მიმართ, ვინც გარდაიცვალა ან დაშავდა.

მსურს მადლობა გადავუხადო გადაუდებელი დახმარების ბრიგადებს, რომლებიც მოქმედებდნენ უდიდესი პროფესიონალიზმითა და მზრუნველობით.

ასევე მსურს გამოვხატო ჩემი აღტაცება მანჩესტერის მაცხოვრებელთა იმ მიდგომაზე, ჰუმანურობასა და სიბრალულზე, რომლითაც მათ ამ ბარბაროსობას პასუხი გასცეს“, - ნტქვამია დედოფლის განცხადებაში.

მანჩესტერ არენაზე პოპ მომღერალ არიანა გრანდეს კონცერტზე აფეთქება გუშინ ღამე მოხდა, რასაც ამჟამინდელი მონაცემებით 22 ადამიანი ემსხვერპლა, მათ შორის არიან ბავშვები, დაშავებულთა რიცხვი კი 59-ს შეადგენს. მომხდარს სამართალდამცველები შესაძლო ტერორისტულ თავდასხმად განიხილავენ.