"მათ მონსტრებს არ ვუწოდებ, ისინი “ლუზერები“ არიან"- ტრამპი მანჩესტერის აფეთქებას გამოეხმაურა

მსოფლიო - 13:19, 23 May, 2017

2069

აშშ-ის პრეზიდენტი დონალდ ტრამპი, მანჩესტერ არენაზე პოპ მომღერალ არიანა გრანდეს კონცერტზე მომხდარ აფეთქებას გამოეხმაურა, რომელსაც ამჟამინდელი მონაცემებით 22 ადამიანი ემსხვერპლა, მათ შორის არიან ბავშვები, დაშავებულთა რიცხვი კი 59-ს შეადგენს.

ტრამპმა მომხდარის გამო მწუხარება გამოთქვა , გაერთიანებულ სამეფოსა და დაღუპულთა ოჯახებს სამძიმარი გამოუცხადა.

„ღრმა მწუხარებას გამოვთქვამ... ამდენი ახალგაზრდა ლამაზი და უდანაშაულო ხალხი, რომლებიც საკუთარი ცხოვრებით ტკბებოდნენ, მოკლეს... ბოროტმა ხელმოცარულმა ადამიანებმა“ - განაცხდა ისრაელში ვიზიტით მყოფმა ტრამპმა.

„ვინც ეს ჩაიდინა, მათ მონსტრებს არ ვუწოდებ, ვინაიდან მათ სურთ , ასე დაუძახონ. ისინი ფიქრობენ, რომ ეს მათთვის დიადი სახელია. მე მათ „ლუზერებს“ ვუწოდებ“, რადგან ისინი “ლუზერები“ არიან, გახსოვდეთ“ - დასძინა აშშ-ის პრეზიდენტმა.

მისივე თქმით, „მსგავს სისხლისღვრებთან დაკავშირებით საზოგადოებაში შემწყნარებლობას არ უნდა ჰქონდეს ადგილი“.

მანჩესტერ არენაზე პოპ მომღერალ არიანა გრანდეს კონცერტზე აფეთქება გუშინ ღამე მოხდა, რასაც ამჟამინდელი მონაცემებით 22 ადამიანი ემსხვერპლა, მათ შორის არიან ბავშვები, დაშავებულთა რიცხვი კი 59-ს შეადგენს. მომხდარს სამართალდამცველები შესაძლო ტერორისტულ თავდასხმად განიხილავენ. მანჩესტერის პოლიციის ცნობით, აფეთქება ერთმა ადამიანმა მოაწყო და თავადაც დაიღუპა. ამჟამად სამართალდამცავები მუშაობენ, ჰყავდა თუ არა მას თანამზრახველები