ითვლება, რომ ე.წ. "ლაითი" სიგარეტები, სპეციალური ფილტრებით, უფრო ნაკლები ზიანის მომტანია ადამიანისთვის, ვიდრე ჩვეულებრივი. თუმცა, ოჰაიოს უნივერსიტეტის მკვლევარები თვლიან, რომ უკანასკნელ ათწლეულებში მათი პოპულარობის ზრდა ემთხვევა ადენოკარცენომით (ფილტვის კიბოს ყველაზე გავრცელებული ფორმა) დაავადებულთა რაოდენობის ზრდას.

მკვლევარებმა დაადგინეს, რომ პერფორირებული ფილტრები არ ამცირებს მავნე ნივთიერებების რაოდენობას, არამედ უბრალოდ ჰაერთან აზავებს მათ.

მას შემდეგ, რაც თამბაქოს მავნებლობის გამო მსოფლიოში სიგარეტის მოწევისათვის თავის დანებება დაიწყეს, პარალელურად იზრდება ე.წ მსუბუქი სიგარეტებისადმი მოთხოვნილება.

ამავე დროს, ფილტვის კიბოთი დაავადებულთა რაოდენობის შემცირების ფონზე, უკანასკნელი 20 წლის მანძილზე, იზრდება ადენოკარცენომით დაავადებულთა რიცხვი, რასაც ამერიკელი მკვლევარები ე.წ. მსუბუქი სიგარეტების პოპულარობის ზრდას უკავშირებენ.

"პერფორირებული ფილტრი არ ამცირებს მავნე ნივთიერებების რაოდენობას თამბაქოს ბოლში, ამასტან, მწეველი ჩვეულებრივ სიგარეტთან შედარებით, უფრო დიდ "ნაფაზს" აკეთებს, რის გამოც ფილტვებში მეტი რაოდენობის კარცენოგენები ხვდება. ასეთი ფილტრის მქონე სიგარეტში თამბაქო წვისას მეტ კარცენოგენს წარმოშობს, ხოლო ბოლი უფრო ღრმად აღწევს ფილტვებში," - აცხადებენ მკვლევარები.

აღსანიშნავია ისიც, რომ აშშ-სა და დიდ ბრიტანეთში მწარმოებლებს აუკრძალეს სიგარეტის კოლოფზე სიტყვა "Light"-ის (მსუბუქი) დაბეჭდვა, მიუხედავად ამისა, ოჰაიოს უნივერსიტეტში თვლიან, რომ პერფორირებული ფილტრის გამოყენება საერთოდ უნდა აიკრძალოს.

შესაბამისად, ჩვეულებრივი სიგარეტიდან "ლაითზე" გადასვლას, სჯობია მოწევას საერთოდ დაანებოთ თავი.