რუსეთი NATO-ს კოლექტიური უსაფრთხოებისათვის მთავარ საფრთხეს წარმოადგენს, განაცხადა პოლონეთის ეროვნული უშიშროების ბიუროს ხელმძღვანელმა პაველ სოლოხმა.

"არებობს საკითხი NATO-ს აღმოსავლეთის მიმართულებით გაფართოების თაობაზე, არის უკრაინაში მიმდინარე აგრესიის საკითხი, რომელიც დე-ფაქტო ახლაც გრძელდება, და რა თქმა უნდა მთავარი - რუსეთის აგრესიული პოლიტიკა და რუსეთ-ბელორუსის ერთობლივი სამხედრო სწავლება "დასავლეთი-2017", რომელიც შემოდგომაზე გაიმართება. ყოველივე ეს გვაძლევს საფუძველს დავასკვნათ, რომ რუსეთი NATO-სთვის მთავარ საფრთხეს წარმოადგენს," - განაცხადა უშიშროების ბიუროს ხელმძღვანელმა.

მან ასევე ისაუბრა 25 მაისს ბრიუსელში დაგეგმილ NATO-ს წევრი ქვეყნების სახელმწიფოთა მეთაურების შეხვედრაზე და აღნიშნა, რომ მას სამუშაო ხასიათი აქვს და მას სამიტი არ შეიძლება ეწოდოს. სოლოხის განცხადებით, ყველაზე მეტად მნიშვნელოვანი მასში აშშ-სა და საფრანგეთის ახალი პრეზიდენტების მონაწილეობის ფაქტია. შეხვედრაზე ჩრდილოატლანტიკური ალიანსის დაფინანსების საკითხსაც განიხილავენ.