საზოგადოებრივი მაუწყებელი წარმატებულ პროექტში მონაწილეობის მისაღებად იწვევს 10 დან- 15 წლამდე ასაკის ნიჭიერ ბავშვებს მთელი საქართველოდან.

კონკურსში მონაწილეობის მსურველებმა უნდა წარმოადგინონ სიმღერა საკუთარი რეპერტუარიდან (აუდიოჩანაწერი), ფოტოსურათი და ბიოგრაფია.

განაცხადები მიიღება 10 ივნისიდან - 10 ივლისამდე.

საკონტაქტო ტელეფონი: 2 40 91 10

2013 წლის საბავშვო ევროვიზიის სიმღერის კონკურსს უკრაინის მაუწყებელი (NTU) 30
ნოემბერს უმასპინძლებს.

საქართველოს საზოგადოებრივი მაუწყებლისთვის "ევროვიზია ჯუნიორი" წარმატების მომტანი აღმოჩნდა. საქართველო საბავშვო ევროფესტივალის გამარჯვებული ორჯერ გახდა.

2007 წელს როტერდამში მარიამ რომელაშვილმა მე-4 ადგილი დაიკავა;

2008 წელს კვიპროსზე საქართველოს წარგზავნილმა ჯგუფმა "ბზიკებმა" გამარჯვება მოიპოვა;

2009 წელს კიევში ჯგუფმა "პრინცესები" მეექვსე ადგილი დაიკავა;

2010 წელს მინსკში მარიამ კახელიშვილმა, სიმღერით "მარი–დარი" მეოთხე ადგილი დაიმსახურა;

2011 წლის საბავშვო ევროფესტივალზე საქართველოს წარმომადგენელმა ჯგუფმა
"ქენდიმ", სიმღერით "Candy Music" გამარჯვება მოიპოვა;

2012 წელს საბავშვო ევროვიზიაზე საქართველო ჯგუფმა - "The FunKids" წარადგინა და
მეორე ადგილი დაიმსახურა.