შვედეთის პროკურატურამ Wikileaks-ის დამფუძნებლის წინააღმდეგ საქმეს დახურა.

ჯულიან ასანჟს გაუპატიურებაში ადანაშაულებდნენ. პროკურორის განცხადებით, დეტალებზე უახლოეს მომავალში, პრესკონფერენციაზე ისაუბრებს.

ასანჟი უკვე რამდენიმე წელია დიდ ბრიტანეთში ეკვადორის საელჩოს აფარებს თავს. შვედეთი მის ექსტრადირებას ითხოვდა. ასანჟი კი აცხადებდა, დიპლომატიური მისიის დატოვების შემთხვევაში მას დაპატიმრება და შვედეთში ექსტრადაცია ემუქრებოდა, რადგან სექსუალურ ძალადობაში ედება ბრალი. შვედეტში ექსტრადირების შემთხვევაში კი, ასანჟი ირწმუნებოდა, რომ მას აშშ-ს გადასცემდნენ.

ვიკილიქსი — საერთაშორისო არაკომერციული ჟურნალისტური ორგანიზაცია, რომელიც აქვეყნებს ანონიმური წყაროებიდან მოპოვებულ, ჩვეულებრივ ხელმიუწვდომელ დოკუმენტებს. მისმა ვებ-გვერდმა ფუნქციონირება დაიწყო 2006 წელს და ეკუთვნის The Sunshine Press-ს.

თავად ორგანიზაციის განცხადებით, ის დააარსეს ჩინელმა დისიდენტებმა, ასევე ჟურნალისტებმა, მათემატიკოსებმა და პროგრამისტებმა აშშ-დან, ტაივანიდან, ევროპიდან, ავსტრალიიდან, სამხრეთი აფრიკიდან. გაზეთ The New Yorker-ის 2010 წლის 7 ივნისის ცნობით, ორგანიზაციის დირექტორი არის ავსტრალიელი მათემატიკოსი, პროგრამისტი და ინტერნეტ-აქტივისტი – ჯულიან ასანჟი. საიდუმლო დოკუმენტაციის გამოქვეყნების გამო, ჟულიან ასანჟის წინააღმდეგ საქმეა აღძრული. 2012 წელს, დიდ ბრიტანეთში ეკვადორის საელჩომ ასანჟის თავშესაფარი მიანიჭა და დღემდე იქ იმყოფება.