ნაციონალური ფრონტის ლიდერმა, მარინ ლე პენმა განაცხადა, რომ ის მონაწილეობას მიიღებს საპარლამენტო არჩევნებში.

ლე პენი კენჭს ენე-ბომონის თემიდან იყრის (ქალაქი პა-დე-კალეს დეპარტამენტში), სადაც საპრეზიდენტო არჩევნების დროს ამომრჩეველთა ხმების 58 % მიიღო.

საპარლამენტო არჩევნები საფრანგეთში ორ ტურად - 11 და 18 ივნისს ჩატარდება.

შეგახსენებთ, 7 მაისს, საფრანგეთის საპრეზიდენტო არჩევნებში "ნაციონალური ფრონტის" ლიდერი მარინ ლე პენი, ცენტრისტ ემანუელ მაკრონთან დამარცხდა.