დონალდ ტრამპის თქმით, აშშ-ის არჩევნებში რუსეთის ჩარევის გამოსაძიებლად სპეციალური პროკურორის დანიშვნა აშშ-ს უაღრესად დიდ ზიანს მოუტანს.

ამის შესახებ ტრამპმა CNN-თან ინტერვიუში ისაუბრა.

მისი თქმით, მასსა და მის წინასაარჩევნო შტაბს არასოდეს ჰქონია საიდუმლო შეთქმულება რუსეთთან.

აშშ-ის პრეზიდენტის თქმით, წინასაარჩევნო კამპანიის წევრების რუსეთთან შესაძლო კავშირის შესახებ გამოძიების სპეციალურ პროკურორად FBI-ს ყოფილი ხელმძღვანელი, რობერტ მიულერი, დანიშვნა, ისეთ შთაბეჭდილებას ტოვებს, რომ აშშ დაბნეული და გაყოფილია.

„ვფიქრობ, რომ ეს საშინელ ზიანს მოუტანს ჩვენს ქვეყანას, რადგან ეს გაყოფილ, დაბნეულ ქვეყნად წარმოგვაჩენს“ - განაცხადა ტრამპმა.

შეგახსენებთ, რამდენიმე დღის წინ ამერიკის შეერთებული შტატების იუსტიციის დეპარტამენტმა ტრამპის წინასაარჩევნო კამპანიის წევრების რუსეთთან შესაძლო კავშირის შესახებ გამოძიების სპეციალურ პროკურორად , გამოძიების ფედერალური ბიუროს ყოფილი ხელმძღვანელი, რობერტ მიულერი, დანიშნა.