ხმელიძის სტატუსის გამოქვეყნების შემდეგ ამ პიროვნებას, რომელიც სტატუსებში ხშირად აკრიტიკებს მოქმედ ხელისუფლებასა და ძალოვან მინისტრებს, სამართალდამცავები დაუკავშირდნენ და მოსთხოვეს დაკითხვაზე, მოდულის შენობაში მისვლა. მას საცხოვრებელ სახლშიც მიაკითხეს, რა დროსაც გიორგი ხმელიძემ უწყება მოითხოვა, მასთან მისულ პირებს კი უწყება არ აღმოაჩნდათ და მან მოდულის შენობაში წასვლაზე უარი განაცხადა.

"უწყება როცა მომიტანეს, მივდივარ, მანამდე უწყების გარეშე არ წავედი, მანამდე მითხრეს, მეგობრულად, ძმურად წამოსულიყავი დაკითხვაზეო, ვითომ კარგი პოლიციელის როლს თამაშობდნენ", - განაცხადა "ნიუპოსტთან" საუბრისას ხმელიძემ.

მისივე თქმით უწყება 20:07 საათზე მიუტანეს, 20:30 წუთზე კი დაკითხვა გახლდათ ჩანიშნული. დაკითხვა ამ დროისათვის დაწყებულია. როგორც გიორგი ხმელიძემ განაცხადა, დაბარებულია ვინმე უსუპ თვალიაშვილთან, რომელიც, მისი თქმით, შსს-ს ერთ-ერთი თანამშრომელია.